തിരുവനന്തപുരം സോണിയയുടെ അടുക്കളയിലെ പാത്രം കഴുകിയാണ് ചിലര് കോണ്ഗ്രസ് നേതാക്കളായതെന്ന് ശശി തരൂരിനെ ട്രോളി കോട്ടയം ഡിസിസി. കോട്ടയം ഡിസിസിയുടേത് എന്ന് പറയപ്പെടുന്ന പേജിലാണ് ശശി തരൂരിനെ സോണിയയുടെ വീട്ടിലെ പാത്രം കഴുകന്നയാള് എന്ന അര്ത്ഥം വരുന്ന സോഷ്യല് മീഡിയ പോസ്റ്റ് പ്രത്യക്ഷപ്പെട്ടത്.
സോണിയാഗാന്ധിയുടെ അടുക്കളയിലെ പാത്രം കഴുകി കോണ്ഗ്രസായിച്ച്, പാര്ലമെന്റ് സീറ്റ് മേടിച്ച് വിമാനത്തില് വന്നിറങ്ങിയ ആളല്ല നാട്ടകം സുരേഷ് എന്നതായിരുന്നു ഈ പോസ്റ്റിന്റെ പൂര്ണ്ണരൂപം.
ഡിസിസി കോട്ടയം എന്ന സോഷ്യല് മീഡിയ പേജിലാണ് ശശി തരൂരിനെതിരായ വിവാദ പോസ്റ്റ് പ്രത്യക്ഷപ്പെട്ടത്. ഇത് കോട്ടയം ഡിസിസിയുടെ പേജാണെന്ന് പറയപ്പെടുന്നു. തരൂരിനെതിരെ കോണ്ഗ്രസ് ഹൈക്കമാന്റിന് പരാതി നല്കുമെന്ന് കോട്ടയം ഡിസിസി പ്രസിഡന്റ് നാട്ടകം സുരേഷ് അഭിപ്രായപ്പെട്ടതിന് തൊട്ടു പിന്നാലെയാണ് ശശി തരൂരിന്റെ വിവാദ പോസ്റ്റ് കോട്ടയം ഡിസിസിയുടെ പേജില് പ്രത്യക്ഷപ്പെട്ടത്. പാര്ട്ടിയെ അറിയിക്കാതെ കോട്ടയത്ത് യൂത്ത് കോണ്ഗ്രസ് സംഘടിപ്പിച്ച യോഗത്തില് പങ്കെടുത്തതിനാണ് തരൂരിനെതിരെ ഹൈക്കമാന്റിനെ പരാതി അറിയിക്കാന് പോകുന്നത്.
എന്നാല് കോട്ടയം ഡിസിസി പേജില് വന്ന വിവാദ പോസ്റ്റിനെക്കുറിച്ച് തനിക്ക് അറിയില്ലെന്നും നാട്ടകം സുരേഷ് പറഞ്ഞു. അതിന് ശേഷം വിവാദ പരാമര്ശങ്ങള് എഡിറ്റ് ചെയ്ത് നീക്കിയ പുതിയ പോസ്റ്റാണ് ഇപ്പോള് കോട്ടയം ഡിസിസിയുടെ പേജില് പ്രത്യക്ഷപ്പെട്ടിരിക്കുന്നത്.
