കൊച്ചി: മുഖ്യമന്ത്രി പിണറായി വിജയന്റെ പ്രൈവറ്റ് സെക്രട്ടറി കെ.കെ.രാഗേഷിന്റെ ഭാര്യ പ്രിയാ വര്ഗീസിനു കണ്ണൂര് സര്വകലാശാലയിലെ അസോസിയേറ്റ് പ്രൊഫസര് തസ്തിക അനധികൃതമാണെന്ന് പരിഗണക്കവേ വിമര്ശനവുമായി ഹൈക്കോടതി. ജസ്റ്റിസ് ദേവന് രാമചന്ദ്രന്റെ ബെഞ്ചാണ് വിധി പറയുന്നത്.
കേസുമായി ബന്ധപ്പെട്ട് കഴിഞ്ഞ ദിവസം സംഭവിച്ചത് അസുഖകരമായ കാര്യങ്ങളെന്ന് കോടതി പറഞ്ഞു. കുഴിവെട്ട് എന്ന കാര്യം പറഞ്ഞത് ഓര്ക്കുന്നില്ലെന്ന് കോടതി വ്യക്തമാക്കി. താനും എന്എസ്എസിന്റെ ഭാഗമായിരുന്നുവെന്ന് ജസ്റ്റിസ് ദേവന് രാമന്ചന്ദ്രന് പറഞ്ഞു. നാഷനല് സര്വീസ് സ്കീമിനെ താഴ്ത്തിക്കെട്ടി സംസാരിച്ചിട്ടില്ല. കോടതിയില് സംഭവിച്ചത് കോടതിയില് തന്നെ നില്ക്കണമെന്നും കോടതി നിലപാടെടുത്തു. എന്നാല്, കോടതിയുടെ പരാമര്ശം പ്രിയയ്ക്ക് അവമതിപ്പുണ്ടെങ്കിയെന്നു അഭിഭാഷകന് പറഞ്ഞു. കഴിഞ്ഞ ദിവസം, ഹര്ജിയുടെ വാദത്തിനിടെ ഹൈക്കോടതി രൂക്ഷമായി വിമര്ശിച്ചിരുന്നതിനു മറുപടിയായാണ് ‘നാഷനല് സര്വീസ് സ്കീമിനു വേണ്ടി കുഴിയല്ല, കക്കൂസ് വെട്ടിയെങ്കിലും അഭിമാനം മാത്രം’ എന്ന് പ്രിയ പോസ്റ്റിട്ടത്. ഹൈക്കോടതിയുടെ വിമര്ശനത്തിനെതിരെ പ്രിയാ വര്ഗീസ് ഫെയ്സ്ബുക്കില് പോസ്റ്റിട്ടതിനെ കോടതി വിമര്ശിച്ചു. പ്രിയാ വര്ഗീസ് പിഎച്ച്ഡി പഠനത്തിനു പോയതും സ്റ്റുഡന്റ്സ് ഡയറക്ടറായി ഡപ്യൂട്ടേഷനില് പോയതും അധ്യാപനം ആകില്ലെന്നാണു ഹര്ജിയിലെ വാദം. എന്നാല്, ഇതു രണ്ടും അധ്യാപന പരിചയത്തില് കണക്കാക്കാമെന്നും സ്റ്റുഡന്റ്സ് ഡയറക്ടര് ആയിരിക്കെ എന്എസ്എസ് കോ ഓര്ഡിനേറ്ററുടെ അധിക ചുമതല വഹിച്ചിരുന്നുവെന്നും പ്രിയയുടെ അഭിഭാഷകന് വാദിച്ചു. അതേസമയം, ഹെക്കോടതി അധ്യാപകര് രാഷ്ട്രനിര്മാതാക്കളാണെന്ന് കോടതി നിരീക്ഷിച്ചു. ഇരുഭാഗത്തിന്റെ വാദമുഖങ്ങള് കോടതി വിശദീകരിച്ച ശേഷം അന്തിമവിധി ഉടനുണ്ടാകും.
