കണ്ണൂര്‍: സ്വര്‍ണ്ണക്കടകളില്‍ നിന്നുള്ള മോഷണം പതിവാക്കിയ രണ്ട് സ്ത്രീകളെ കൊയിലാണ്ടിയില്‍ പിടികൂടി. ആന്ധ്രയില്‍ നിന്നുള്ള സഹോദരിമാരായ രണ്ട് സ്ത്രീകളെയാണ് മോഷണശ്രമത്തിനിടെ പിടിച്ചത്.
ആന്ധ്ര കടപ്പ സ്വദേശികളായ കനിമൊഴി (38), ആനന്ദി (40) എന്നിവരെയാണ് പൊലീസ് അറസ്റ്റ് ചെയ്തത്. കഴിഞ്ഞ ദിവസം കണ്ണൂരിലെ ഒരു ജ്വല്ലറിയില്‍ നിന്നും ഇവര്‍ വിജയകരമായി മോഷണം നടത്തി രക്ഷപ്പെട്ടിരുന്നു.
തൊട്ടുപിന്നാലെ കൊയിലാണ്ടിയില്‍ നടത്തിയ ശ്രമം പാളിയതാണ് ഇവര്‍ പിടിയിലാകാന്‍ കാരണമായത്. അവിടെ സന്തോഷ് ജ്വല്ലറിയില്‍ സ്വര്‍ണ്ണം വാങ്ങാന്‍ എത്തിയതായിരുന്നു ഈ സഹോദരിമാര്‍. എന്നാല്‍ കഴിഞ്ഞ ദിവസം കണ്ണൂരിലെ തളിപ്പറമ്പിലെ മോഷത്തിന്റെ വീഡിയോ വൈറലായിരുന്നു. ഇത് കണ്ടിരുന്ന കൊയിലാണ്ടിയിലെ ജ്വല്ലറി ഉടമയുടെ മകന്‍ ഈ സ്ത്രീകളെ തിരിച്ചറിയുകയായിരുന്നു. ഉടനെ അവരെ കടയില്‍ തടഞ്ഞുവെച്ചു. പിന്നീട് പൊലീസിനെ വിളിച്ചു. പിങ്ക് പൊലീസെത്തിയാണ് ഇവരെ പിടികൂടിയത്. ഇതിനിടെ ഇവരുടെ ഏജന്‍റായി പ്രവര്‍ത്തിക്കുന്ന ആള്‍ ഓടി രക്ഷപ്പെട്ടു.
സ്ത്രീകള്‍ തളിപ്പറമ്പ് പൊലീസ് കസ്റ്റഡിയിലാണ്.
