തിരുവനന്തപുരം:ഡിവൈഎസ്പിയുടെ കാറിടിച്ച് സൈക്കിള് യാത്രികന് മരിച്ചതിന്റെ സിസിടിവി ദൃശ്യങ്ങള് പുറത്തായതോടെ കേരളം ഞെട്ടി. കഴിഞ്ഞ ദിവസം ഉണ്ണി വാഹനാപകടത്തില് മരിച്ചെങ്കിലും ആരുടെ വാഹനമാണ് സൈക്കിളില് പോകുകയായിരുന്ന ഉണ്ണിയെ ഇടിച്ചിട്ടതെന്ന് അറിയില്ലായിരുന്നു. ഈ ചോദ്യത്തിനാണ് സിസിടിവി ദൃശ്യങ്ങള്പുറത്തായതോടെ ഉത്തരമായത്.
പത്തനംതിട്ട സ്പെഷ്യല് ബ്രാഞ്ച് ഡിവൈഎസ്പി പി.കെ. സാബു ഒടിച്ച കാറാണ് അപകടമുണ്ടാക്കിയത്. ആലപ്പുഴ തകഴിയിലാണ് മനുഷ്യമനസാക്ഷിയെ ഞെട്ടിക്കുന്ന ഈ റോഡപകടം സംഭവിച്ചത്. സൈക്കിളില് യാത്ര ചെയ്യുന്ന ഉണ്ണിയെ നേരിട്ടാണ് കാറിടിക്കുന്നത്. ഡിവൈഎസ്പിയ്ക്കെതിരെ മനപൂര്വ്വമല്ലാത്ത നരഹത്യയ്ക്ക് കേസെടുത്തിട്ടുണ്ട്.
തകഴിയിലെ ലെവല് ക്രോസിന് സമീപമാണ് അപകടമുണ്ടായത്. കാര് അമിത വേഗതയിലായിരുന്നു വന്നിരുന്നതെന്ന് പറയുന്നു. ലെവല് ക്രോസിന് അടുത്തുള്ള കൈവരിയും കാര് തകര്ത്തതായി പറയുന്നു.
.
