തിരുവനന്തപുരം: കേരളത്തിലെ ഡോക്ടര്മാരുടെ മാതൃസംഘടനയായ ഇന്ത്യന് മെഡിക്കല് അസോസിയേഷന് കേരള ബ്രാഞ്ചിന്റെ അറുപത്തിയഞ്ചാം സംസ്ഥാന സമ്മേളനം 12,13 തീയതികളില് തൃശ്ശൂര് കുന്നംകുളം പന്നിത്തടം ടെല്കോണ് ഇന്റര്നാഷണല് കണ്വെന്ഷന് സെന്ററില് നടക്കും.
നാലായിരത്തോളം ഡോക്ടര്മാര് പങ്കെടുക്കും. സമ്മേളനത്തിന്റെ ഭാഗമായി നാളെ രാവിലെ 9 മുതല് വൈകിട്ട് 6 വരെ സംസ്ഥാന കൗണ്സില് യോഗവും ഐഎംഎയുടെ വിവിധ പോഷക സംഘടനകളുടെയും സ്കീമുകളുടെയും വാര്ഷിക ജനറല് ബോഡിയും നടക്കുന്നതിനൊപ്പം തന്നെ വൈദ്യശാസ്ത്ര രംഗത്തെ പുത്തന് അറിവുകളെ കുറിച്ചു പ്രബന്ധങ്ങളും ചര്ച്ച ക്ലാസുകളും വര്ക്ക്ഷോപ്പുകളും നടക്കും.
13ന് രാവിലെ 10ന് പൊതുസമ്മേളനം മുഖ്യമന്ത്രി പിണറായി വിജയന് ഉദ്ഘാടനം ചെയ്യും. ചടങ്ങില് ഐഎംഎയുടെ പുതിയ സംസ്ഥാന പ്രസിഡന്റ് ഡോ. സുല്ഫി നൂഹു സ്ഥാനമേല്ക്കും. ആരോഗ്യമന്ത്രി വീണ ജോര്ജ്, തിരുവനന്തപുരം എംപി ശശി തരൂര്, എംഎല്എ എ.സി. മൊയ്തീന്, ഡോ.ആര്.വി. അശോകന്, ഡോ. സാമുവല് കോശി, ഡോ. ജോസഫ് ബെനവന് അടക്കമുള്ളവര് പങ്കെടുക്കും.
