മെല്ബണ്: ട്വന്റി 20 ലോകകപ്പില് സിംബാബ്വെയ്ക്കെതിരേ ഒരു റണ്സിന്റെ അപ്രതീക്ഷിത തോല്വിക്കു പിന്നാലെ നിലത്തിരുന്നു പൊട്ടിക്കരയുന്ന പാക്കിസ്ഥാന് ഓള് റൗണ്ടര് ഷതബ് ഖാന്റെ വീഡിയോ വൈറല്. പാക്കിസ്ഥാന് തോറ്റതിനു പിന്നാലെ പവലിയനിലേക്ക് മടങ്ങുന്നതിനിടെ മുട്ടുകുത്തിയിരുന്നു കരയുന്ന ഷതബ് ഖാന്റെ ദൃശ്യങ്ങള് കഴിഞ്ഞ ദിവസമാണു പുറത്തുവന്നത്. ടീം ഓഫിഷ്യല്സില് ഒരാള് താരത്തെ ആശ്വസിപ്പിക്കുന്നതും ദൃശ്യങ്ങളിലുണ്ട്.
മത്സരം കാണാനെത്തിയ ആരാധകനാണ് താരത്തിന്റെ വിഡിയോ പകര്ത്തിയത്. സിംബാബ്വെയ്ക്കെതിരായ മത്സരത്തില് ഷതബ് ഖാന് 17 റണ്സാണ് നേടിയത്. മത്സരത്തില് ആദ്യം ബാറ്റു ചെയ്ത സിംബാബ്വെ 131 റണ്സ് വിജയലക്ഷ്യമാണ് ഉയര്ത്തിയത്. എട്ടു വിക്കറ്റ് നഷ്ടത്തില് 129 റണ്സെടുക്കാനേ പാക്കിസ്ഥാനു സാധിച്ചുള്ളൂ. ഞായറാഴ്ചത്തെ മത്സരത്തില് പാക്കിസ്ഥാന് നെതര്ലന്ഡ്സിനെ നേരിടും. ഇനിയുള്ള മൂന്നു മത്സരങ്ങളില് ഒന്നില് കൂടി തോറ്റാല് പാക്കിസ്ഥാന് ലോകകപ്പില് നിന്ന് പുറത്താകും. ലോകകപ്പിലെ ആദ്യ മത്സരത്തില് പാക്കിസ്ഥാനെ ഇന്ത്യ നാലു വിക്കറ്റിനു തോല്പിച്ചിരുന്നു.
