ആലപ്പുഴ : കായംകുളം താലൂക്ക് ആശുപത്രിയില് ആക്രമണം ഉണ്ടാക്കിയ കേസിലെ പ്രതിയായ ഡിവൈഎഫ്ഐ നേതാവിനെ പാര്ട്ടിയില് നിന്ന് പുറത്താക്കി. കായംകുളം ബ്ലോക്ക് വൈസ് പ്രസിഡന്റ് സാജിദ് ഷാജഹാനെതിരെയാണ് നടപടി.
സിപിഎം ടൗണ്ഹാള് എ ബ്രാഞ്ച് സെക്രട്ടറി സുധീര്, ടൗണ്ഹാള് ബി ബ്രാഞ്ച് സെക്രട്ടറി അരുണ്, ചിറക്കടവം ലോക്കല് കമ്മിറ്റി അംഗം സാജിദ്, പാര്ട്ടി മെമ്പര് മോഹനന് എന്നിവരെ പാര്ട്ടി സ്ഥാനങ്ങളില് നിന്ന് സസ്പെന്റ് ചെയ്തിരുന്നു. പോലീസ് അന്വേഷണം നടത്തിയെങ്കിലും പ്രതികളെ ഇതുവരെ പിടികൂടാനായിട്ടില്ല. ഇവരുടെ സമൂഹമാദ്ധ്യമ അക്കൗണ്ടുകള് ഇപ്പോഴും സജീവമാണ്. എന്നാല് പ്രതികള് ഒളിവിലാണെന്നാണ് പോലീസിന്റെ വിശദീകരണം. പോലീസും സിപിഎം നേതാക്കളും തമ്മില് ഒത്തുകളിക്കുകയാണെന്ന വിമര്ശനങ്ങളും ഉയരുന്നുണ്ട്.
