ന്യൂദല്ഹി: രാജ്യത്ത് നാല് കഫ് സിറപ്പുകള്ക്ക് നിരോധനം ഏര്പ്പെടുത്തി കേന്ദ്ര സര്ക്കാര്. പ്രൊമേത്താസൈന് ഓറല് സൊല്യൂഷന്, കൊഫെക്സാമെലിന് ബേബി കഫ് സിറപ്പ്, മക്കോഫ് ബേബി കഫ് സിറപ്പ്, മഗ്രിപ്പ് എന് കോള്ഡ് സിറപ്പ് എന്നിവയാണ് നിരോധിച്ചത്.
അതേസമയം ആഫ്രിക്കന് രാജ്യമായ ഗാംബിയയില് ഇന്ത്യന് നിര്മ്മിത കഫ് സിറപ്പ് കഴിച്ച് 66 കുട്ടികള് മരിച്ച സംഭവത്തില് കേന്ദ്ര സര്ക്കാര് അന്വേഷണം ആരംഭിച്ചിട്ടുണ്ട്. ലോകാരോഗ്യ സംഘടനയാണ് കുട്ടികളുടെ മരണവുമായി ഇന്ത്യന് നിര്മ്മിത കഫ് സിറപ്പിന് ബന്ധമുണ്ടെന്ന വിവരം പുറത്തുവിട്ടത്. കമ്പനി ഈ ഉല്പ്പന്നങ്ങള് ഗാംബിയയിലേക്ക് മാത്രമാണ് കയറ്റുമതി ചെയ്തതെന്നും പ്രാഥമിക അന്വേഷണത്തില് വ്യക്തമായിട്ടുണ്ട്.
ഹരിയാനയിലെ സോനെപത്തിലെ എം/എസ് മെയ്ഡന് ഫാര്മസ്യൂട്ടിക്കല് ലിമിറ്റഡാണ് കഫ് സിറപ്പുകള് നിര്മ്മിച്ചതെന്ന് വ്യക്തമായി.ഈ കഫ് സിറപ്പുകള് വൃക്കകള്ക്ക് ക്ഷതമേല്പ്പിക്കുകയും മരണത്തിന് ഇടയാക്കുകയും ചെയ്യുന്നതാണെന്ന് ലോകാരോഗ്യ സംഘടന വ്യക്തമാക്കി.
