ചെന്നൈ: നടന് ജയറാം പൊന്നിയിന് ശെല്വം ഓഡിയോ ലോഞ്ച് ചടങ്ങില് അവതരിപ്പിച്ച മിമിക്രിയില് സൂപ്പര്സ്റ്റാര് രജനീകാന്ത്, മണിരത്നം, തൃഷ, കാര്ത്തി, എ.ആര്.റഹ്മാന്, സുഹാസിനി, പ്രഭു ഉള്പ്പെടെ ചിരിച്ചാര്ക്കുന്ന വീഡിയോ വൈറല്. മണിരത്നം സംവിധാനം ചെയ്ത ബ്രഹ്മാണ്ഠചരിത്രസിനിമയായ പൊന്നിയിന്ശെല്വത്തിന്റെ പ്രചരണാര്ത്ഥം നടത്തിയ പരിപാടിയിലായിരുന്നു ജയറാം തമിഴില് ഷൂട്ടിംഗ് വേളയിലെ സംഭവവികാസങ്ങള് കോര്ത്തിണക്കി തമാശയായി അവതരിപ്പിച്ചത്.
സണ് ടിവിയും ജയറാമിന്റെ ഈ രസകരമായ മിമിക്രിയുടെ വീഡിയോ പങ്കുവെച്ചത് ഏകദേശം 17 ലക്ഷത്തിലധികം പേര് കണ്ട് കഴിഞ്ഞു. ജയറാമിന്റെ മിമിക്രിയെ അഭിനന്ദിച്ച് 1300 കമന്റുകളാണ് ലഭിച്ചത്.
കഴിഞ്ഞ ദിവസം രമേഷ് പിഷാ രടിയും ജയറാമിന്റെ വൈറലായ ഈ വീഡിയോ പങ്കുവെച്ചിരുന്നു. “സിനിമയിൽ എത്തിയിട്ട് 30 വർഷങ്ങൾ കഴിഞ്ഞു ഇന്ന് വരെ ഒരു വേദിയിൽ ‘ “ടച്ച് വിട്ടു പോയി” എന്ന് പറഞ്ഞു കേട്ടിട്ടില്ല.. ഇന്ത്യയിലെ തന്നെ ഏറ്റവും മികച്ച സംവിധായകന്റെ വലിയ ചിത്രത്തിലെ പ്രധാന വേഷങ്ങളിലൊന്നു കൈകാര്യം ചെയ്ത് വേദിയിലെത്തിയപ്പോഴും..അരങ്ങ് അടക്കി വാഴുന്ന ജയറാമേട്ടൻ” എന്ന കുറിപ്പോടെയാണ് രമേഷ് പിഷാരടി ഈ അപൂര്വ്വ വീഡിയോ പങ്കുവെച്ചത്.
നടന് പ്രഭുവിന്റെ ഭക്ഷണത്തോടുള്ള താല്പര്യം, സംവിധായകന് മണിരത്നത്തിന്റെ കര്ശനമായ ഷൂട്ടിംഗ് ഷെഡ്യൂള് എന്നിവയാണ് തമാശയായി ജയറാം അവതരിപ്പിച്ചത്. ഒരു ഘട്ടത്തില് ചിരിയടക്കാനാവാതെ ഉറക്കെ കയ്യടിച്ച് മണിരത്നത്തെ നോക്കുന്ന രജനീകാന്തിനെയും കാണാം.
