പത്തനംതിട്ട: കോന്നി മെഡിക്കൽ കോളേജിൽ എംബിബിഎസ് പ്രവേശനത്തിന് ദേശീയ മെഡിക്കൽ കമ്മീഷൻ അനുമതി നൽകി. 100 സീറ്റുകളിൽ പ്രവേശനം നടത്താം. നേരത്തെ മെഡിക്കൽ കോളേജിൽ നടത്തിയ പരിശോധനയിൽ മെഡിക്കൽ കമ്മിഷൻ തൃപ്തി രേഖപ്പെടുത്തിയിരുന്നു. ഇതേ തുടർന്നാണ് നടപടി.
പത്തനംതിട്ട, കൊല്ലം ജില്ലകളിലെ മലയോര മേഖലയിലുള്ളവർക്കായി വിഭാവനം ചെയ്തതാണ് കോന്നി മെഡിക്കൽ കോളേജ് ആശുപത്രി. 2020 സെപ്റ്റംബർ 14 ന് ആഘോഷപൂർവമായാണ് മുഖ്യമന്ത്രി പിണറായി വിജയൻ ആശുപത്രി ഉദ്ഘാടനം ചെയ്ത് നാടിന് സമർപ്പിച്ചത്. ഒപി മുതൽ മേജർ ഓപ്പറേഷൻ തിയേറ്റർ വരെ ഉടൻ സജീകരിക്കുമെന്നായിരുന്നു അന്നത്തെ ആരോഗ്യ മന്ത്രി കെ കെ ശൈലജ പറഞ്ഞത്. എന്നാൽ ഒന്നു നടന്നില്ല.
കോടികൾ മുടക്കി കെട്ടിട സമുച്ചയങ്ങൾ നിർമ്മിച്ചിട്ടും ജനങ്ങൾക്ക് പ്രയോജനമില്ലാത്ത നിലയിലാണ് ആശുപത്രി പ്രവർത്തിച്ചിരുന്നത്. ഇതിനെതിരെ വ്യാപക പ്രതിഷേധമാണ് ഉയർന്നത്. ഇതേ തുടർന്ന് 4.43 കോടി രൂപയുടെ വികസന പ്രവർത്തനങ്ങൾക്ക് സർക്കാർ അനുമതി നൽകുകയായിരുന്നു.
ഐസിയു അനുബന്ധ ഉപകരണങ്ങള്, ഇഎന്ടി സര്ജറി, ഗൈനക്കോളജി എന്നിവയ്ക്ക് ആവശ്യമായ മെറ്റീരിയലുകള്, ബയോകെമിസ്ട്രി, മൈക്രോബയോളജി വിഭാഗത്തിനുള്ള റീയേജന്റുകള്, കെമിക്കല്, കിറ്റുകള്, പത്തോളജി വിഭാഗത്തിനുള്ള മെറ്റീരിയലുകള്, കിറ്റുകള്, ഓര്ത്തോപീഡിക് സര്ജറിയ്ക്കുള്ള ഉപകരണങ്ങള്, അനസ്തേഷ്യ വര്ക്ക് സ്റ്റേഷന്, പേഷ്യന്റ് വാമര്, മള്ട്ടിപാര മോണിറ്റര്, ഓപ്പറേറ്റിംഗ് മൈക്രോസ്കോപ്പ്, ഡെന്റല്, പീഡിയാട്രിക്, പള്മണോളജി, ഫിസിയോളജി എന്നീ വിഭാഗങ്ങള്ക്കാവശ്യമായ ഉപകരണങ്ങള് തുടങ്ങിയവയ്ക്കായാണ് തുകയനുവദിച്ചത്.
