ആലത്തൂര്‍: സിപിഎം അത്തിപ്പൊറ്റ ലോക്കല്‍ കമ്മിറ്റി സെക്രട്ടറിയുടെ വീട്ടിലേക്കുള്ള റോഡ് നിര്‍മാണത്തിനായി പഞ്ചായത്ത് കുഴല്‍ക്കിണര്‍ തകര്‍ത്തതായി പരാതി. തരൂര്‍ പഞ്ചായത്തിന്റെ ഉടമസ്ഥതയിലുള്ള ഹാന്റ് പമ്പ് തകര്‍ത്ത് തൊഴിലുറപ്പ് പദ്ധതിയിലൂടെ കരിങ്കുളങ്ങര അങ്കണവാടിക്ക് എതിര്‍വശത്തുള്ള സിപിഎം ലോക്കല്‍ കമ്മിറ്റി സെക്രട്ടറിയുടെ വീട്ടിലേക്കുള്ള റോഡ് നിര്‍മാണമാണ് ആരംഭിച്ചത്.
വേനല്‍ക്കാലത്ത് നൂറുകണക്കിനാളുകള്‍ കുടിവെള്ളത്തിനായി ഉപയോഗിക്കുന്ന ഹാന്റ് പമ്പാണ് തകര്‍ത്തത്. പഞ്ചായത്തിലെ നിരവധി റോഡുകള്‍ തകര്‍ന്നു കിടക്കുമ്പോഴാണ് പാര്‍ട്ടിയുടെ ലോക്കല്‍ കമ്മിറ്റി സെക്രട്ടറിയുടെ വീട്ടിലേക്ക് രണ്ട് ലക്ഷം രൂപ ചെലവില്‍ തൊഴിലുറപ്പ് പദ്ധതിയിലൂടെ മറവില്‍ റോഡ് നിര്‍മിക്കുന്നത്. പൊതുജനങ്ങള്‍ ഉപയോഗിക്കുന്ന ഹാന്റ് പമ്പ് ഉടന്‍ പുന:സ്ഥാപിക്കണമെന്നാണ് നാട്ടുകാരുടെ ആവശ്യം.
