ദുബായ്: കാനഡ ആസ്ഥാനമായുള്ള വാസ്തുശില്പ കമ്പനി ദുബായില് ചന്ദ്രന്റെ ആകൃതിയിലുള്ള 735 അടി ഉയരത്തിലുള്ള 500 കോടി ഡോളറില് മൂണ് റിസോര്ട്ട് വരുന്നു. മൂണ് വേള്ഡ് റിസോര്ട്സ് ഇന്കോര്പറേറ്റഡ് ആണ് ദുബായില് 735 അടി ഉയരമുള്ള ഈ റിസോര്ട്ട് പണിയുന്നത്. 48 മാസങ്ങള്ക്കുള്ളില് മൂണ് റിസോര്ട്ട് തയ്യാറാകും.
ചന്ദ്രന്റെ അതേ ആകൃതിയായിരിക്കും ഈ റിസോര്ട്ടിന്. ഒരു വര്ഷം 25 ലക്ഷം അതിഥികളെ പ്രതീക്ഷിക്കുന്നു. ഇതില് നിശാക്ലബ്ബും വെല്നെസ് സെന്ററും ഉണ്ടാകും. സ്പേസ് ടൂറിസം, ഹോസ്പിറ്റാലിറ്റി, ടെക്നോളജി എന്നിവ റിസോര്ട്ടിലുണ്ടാകും. മൂണ് വേള്ഡ് റിസോര്ട്ട്സ് ഇന്കോര്പറേറ്റഡ് ദുബായുടെ സമ്പദ് ഘടനയെ ത്വരിതപ്പെടുത്തുമെന്ന് കരുതപ്പെടുന്നു.
പത്തേക്കറിലാണ് ഈ റിസോര്ട്ട്. ഇതില് 300 പ്രൈവറ്റ് റസിഡന്ഷ്യല് യൂണിറ്റുകള് ഉണ്ടാകും. മൂണ് റിസോര്ട്ട് പ്രതിവര്ഷം ഒരു കോടി സന്ദര്ശകരെ ടൂറിസം മേഖലയിലേക്ക് ആകര്ഷിക്കുമെന്ന് റിസോര്ട്ടിന്റെ സഹസ്ഥാപകന് മൈക്കേള് ആര്. ഹെന്ഡെഴ്സന് പറയുന്നു.
