തിരുവനന്തപുരം : സംസ്ഥാനത്ത് അടുത്ത അഞ്ച് ദിവസം വ്യാപകമായ മഴയ്ക്ക് സാധ്യതയുണ്ടെന്ന് മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം. സെപ്തംബര് അഞ്ച് മുതല് ഏഴ് വരെയുള്ള തീയതികളില് വിവിധ ജില്ലകളില് ഒറ്റപ്പെട്ട ശക്തമായ മഴയ്ക്കും ഇടിമിന്നലിനും സാധ്യതയുണ്ട്.
ലക്ഷദ്വീപിനും തെക്കു കിഴക്കന് അറബിക്കടലിനും സമീപമായി ചക്രവാതച്ചുഴി നിലനില്ക്കുന്നുണ്ട്. ഇതില്നിന്ന് ഒരു ന്യൂനമര്ദ പാത്തി മഹാരാഷ്ട്ര വരെയും മറ്റൊരു ന്യൂനമര്ദ പാത്തി തെക്കു കിഴക്കന് ബംഗാള് ഉള്ക്കടല് വരെയും നിലനില്ക്കുന്നതായും അറിയിപ്പില് പറയുന്നു. ഇതിന്റെ ഫലമായാണ് കേരളത്തില് അടുത്ത അഞ്ചു ദിവസം വ്യാപകമായ മഴയ്ക്ക് സാധ്യതയുള്ളത്. മലയോര മേഖലകളില് ഒറ്റപ്പെട്ട ശക്തമായ മഴയ്ക്ക് സാധ്യതയുണ്ടെന്നും ജാഗ്രത പുലര്ത്തണമെന്നും മുന്നറിയിപ്പില് പറയുന്നു.
