കൊച്ചി: വിഴിഞ്ഞം തുറമുഖ നിര്മാണം തടസപ്പെടുത്തരുതെന്ന് സമരസമിതിക്കാരോട് ഹൈക്കോടതി. വിഴിഞ്ഞം തുറമുഖ നിര്മാണത്തിന് പോലീസ് സംരക്ഷണം ഉറപ്പാക്കണമെന്നും ഹൈക്കോടതി ഉത്തരവിട്ടു. തുറമുഖ നിര്മാണത്തിന് സുരക്ഷയൊരുക്കുന്നതില് പോലീസിന് ഏതെങ്കിലും തരത്തിലുള്ള ബുദ്ധിമുട്ടുകള് അനുഭവപ്പെടുകയാണെങ്കില് കേന്ദ്ര സേനയുടെ സഹായം തേടാവുന്നതാണെന്നും ഹൈക്കോടതി വ്യക്തമാക്കി. സുരക്ഷ ഉറപ്പുവരുത്തണമെന്നാവശ്യപ്പെട്ട് സംസ്ഥാന പോലീസ് മേധാവി അടക്കമുള്ളവര്ക്ക് കോടതി നിര്ദേശം നല്കിയിട്ടുണ്ട്. അദാനി ഗ്രൂപ്പും തുറമുഖ നിര്മാണം നടത്തുന്ന കരാര് കമ്പനിയും സമര്പ്പിച്ച ഹര്ജിയിലാണ് ഹൈക്കോടതിയുടെ ഇടക്കാല ഉത്തരവ്. തുറമുഖ നിര്മാണം തടസ്സപ്പെടുത്തിക്കൊണ്ടുള്ള സമരമാണ് വിഴിഞ്ഞത്ത് നടക്കുന്നതെന്ന് കോടതി ചൂണ്ടിക്കാട്ടി. കരാര് കമ്പനികള്ക്കും അവര് ഏര്പ്പെടുത്തുന്ന തൊഴിലാളികള്ക്കും തുറമുഖ പദ്ധതി പ്രദേശത്ത് നിര്മാണ പ്രവൃത്തികളുമായി മുന്നോട്ടുപോകാനുള്ള സുരക്ഷ പോലീസ് ഉറപ്പാക്കണമെന്നാണ് ഹൈക്കോടതി നിര്ദേശിച്ചിരിക്കുന്നത്.
വിഴിഞ്ഞം തുറമുഖ നിര്മാണം തടസപ്പെടുത്തരുത്; പോലീസ് സംരക്ഷണം ഉറപ്പാക്കണം; പോലീസിനായില്ലെങ്കില് കേന്ദ്രസേനയുടെ സഹായം തേടൂ എന്ന് ഹൈക്കോടതി
തുറമുഖ പദ്ധതി പ്രദേശത്ത് നിര്മാണ പ്രവൃത്തികളുമായി മുന്നോട്ടുപോകാനുള്ള സുരക്ഷ പോലീസ് ഉറപ്പാക്കണമെന്നാണ് ഹൈക്കോടതി നിര്ദേശിച്ചിരിക്കുന്നത്.
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.