ധ്യാന്‍ ശ്രീനിവാസന്‍ ആദ്യമായി അധ്യാപകനായി വേഷമിടുന്ന സ്വര്‍ഗ്ഗത്തിലെ കട്ടുറുമ്പ് എന്ന ചിത്രത്തിന്റെ രണ്ടാം ഘട്ട ചിത്രീകരണം തൊടുപുഴയില്‍ പുരോഗമിക്കുന്നു. മൈന ക്രിയേഷന്‍സിനു വേണ്ടി ജസ്പാല്‍ ഷണ്‍മുഖന്‍ സംവിധാനം ചെയ്യുന്ന സ്വര്‍ഗ്ഗത്തിലെ കട്ടുറുമ്പ് എന്ന ചിത്രത്തില്‍ ധ്യാന്‍ ശ്രീനിവാസന്‍ വ്യത്യസ്തനായ ഒരു അധ്യാപകന്റെ വേഷത്തിലാണ് എത്തുന്നത്.
കുട്ടമ്പുഴ ഗ്രാമത്തിലെ ഊര്‍ജ്വസ്വലനായ യുവാവായിരുന്നു ജോസ്. അധ്യാപകനായി പേരെടുക്കുകയായിരുന്നു ജോസിന്റെ പ്രധാന ലക്ഷ്യം. അതിനായി കൃഷിപ്പണി ചെയ്ത് പഠിച്ചു. സ്വന്തം നാടിന്റെ വികസനത്തിനായി ജോസ് ഒരു ക്ലബ്ബ് ആരംഭിച്ചു.
ധ്യാന്‍ ശ്രീനിവാസന്റെ ജോസിന്റെ വേഷം അഭിനയിക്കുന്നത്. അധ്യാപകനായ നിര്‍മാതാവ് ശിവന്‍കുട്ടന്‍ തന്റെ അനുഭവങ്ങളില്‍ നിന്ന് വാര്‍ത്തെടുത്ത കഥയാണ് ചിത്രത്തിനായി ഉപയോഗപ്പെടുത്തിയത്.
കഥ- ശിവന്‍കുട്ടന്‍ വടയമ്പാടി, തിരക്കഥ, സംഭാഷണം- വിജു രാമചന്ദ്രന്‍, പ്രൊജക്റ്റ് ഡിസൈനര്‍- എന്‍.എം. ബാദുഷ, ക്യാമറ – അശ്വഘോഷന്‍, എഡിറ്റര്‍ – കപില്‍ ഗോപാലകൃഷ്ണന്‍, ഗാനങ്ങള്‍ – സന്തോഷ് വര്‍മ്മ ,സാബു ആരക്കുഴ ,സംഗീതം – ബിജിപാല്‍, പിആര്‍ഒ- അയ്‌മനം സാജന്‍
ധ്യാന്‍ ശ്രീനിവാസന്‍ ,ഗായത്രി അശോക് ,ജോയി മാത്യു, അപ്പാനി ശരത്ത്, ഗൗരി നന്ദ, അംബികാ മോഹന്‍, ശിവന്‍കുട്ടന്‍ കെ , ശ്രീകാന്ത് മുരളി, ഉല്ലാസ് പന്തളം,കോബ്രാ രാജേഷ്, രാജേഷ് പറവൂര്‍, നിര്‍മ്മല്‍ പാലാഴി, ജയകൃഷ്ണന്‍, സുധി കൊല്ലം ,ടോണി, മനോഹരി ജോയി എന്നിവര്‍ അഭിനയിക്കുന്നു.
