തൃശൂര് : വായില് തുണി തിരുകി കൈകള് കെട്ടി കിണറ്റില് മരിച്ച നിലയില് വീട്ടമ്മയെ കണ്ടെത്തി. ആമ്പല്ലൂര് അളകപ്പനഗര് എരിപ്പോട് സ്വദേശി രാധയെയാണ് (69) വീട്ടുപറമ്പിലെ കിണറ്റില് മരിച്ചനിലയില് കണ്ടെത്തിയത്. ബുധനാഴ്ച രാവിലെ രാധയെ വീട്ടില് കാണാത്തതിനെ തുടര്ന്ന് വീട്ടുകാര് നടത്തിയ തിരച്ചിലിലാണ് മൃതദേഹം കണ്ടെത്തിയത്.
രാധയും ഭര്ത്താവും മക്കളും ഉള്പ്പടെ ആറുപേരാണ് ആമ്പല്ലൂരിലെ വീട്ടിലുള്ളത്. അര്ധരാത്രി 12 മണിയോടെ വീട്ടിലെത്തിയ മകന് വാതില് തുറന്നുനല്കിയത് രാധയായിരുന്നു. പുലര്ച്ചെ രണ്ടുമണിക്ക് രാധ മുറിയിലുണ്ടായിരുന്നതായി ഭര്ത്താവും പോലീസിനെ അറിയിച്ചിട്ടുണ്ട്. പിറ്റേന്ന് രാവിലെ രാധയെ കാണാത്തതിനെ തുടര്ന്ന് നടത്തിയ തെരച്ചിലിലാണ് കിണറ്റില് നിന്നും മൃതദേഹം കണ്ടെത്തുന്നത്.
അതേസമയം രാധ ആത്മഹത്യ ചെയ്തതാണെന്നാണ് പോലീസിന്റെ പ്രാഥമിക നിഗമനം. മൃതദേഹത്തില് മറ്റ് പരിക്കുകളോ മര്ദ്ദനമേറ്റതിന്റെ പാടുകളോ ഇല്ല. സ്വയം കൈകള് കെട്ടി ആളുകള് ആത്മഹത്യചെയ്ത സംഭവങ്ങളുണ്ടെന്നും പോലീസ് പറയുന്നു. പോസ്റ്റ്മോര്ട്ടം റിപ്പോര്ട്ട് ലഭിച്ചശേഷം തുടര് നടപടി സ്വീകരിക്കുമെന്നും പോലീസ് അറിയിച്ചു.
