ഷൊര്ണൂര്: പരുത്തിപ്ര കോഴിപ്പാറ പാടശേഖരത്ത് വെള്ളം തിരിക്കുന്നതുമായി ബന്ധപ്പെട്ട തര്ക്കത്തില് യുവകര്ഷകന് അടിയേറ്റു മരിച്ചു. മുണ്ടായ പുളിന്തോട്ടത്തില് കൃഷ്ണന്കുട്ടിയുടെ മകന് പ്രസാദ് (38) ആണ് മരിച്ചത്. അയല്പ്പാടത്തെ കര്ഷകരുമായുണ്ടായ തര്ക്കമാണ് കൊലപാതകത്തില് കലാശിച്ചതെന്ന് പോലീസ് പറഞ്ഞു.
ഇന്നലെ രാവിലെ ഒന്പതരയോടെയാണ് പ്രസാദിനെ ഏഴംഗ സംഘം മര്ദ്ദിച്ചത്. തൃശൂരിലെ ആശുപത്രിയില് ചികിത്സയിലിരിക്കെ രണ്ടരയോടെ മരണം സംഭവിച്ചു. കോഴിപ്പാറ പാടശേഖരത്തില് പാട്ടത്തിനെടുത്ത ഭൂമിയില് കൃഷി ചെയ്തു വരികയായിരുന്നു. ഗള്ഫിലായിരുന്ന പ്രസാദ് കൃഷിയോടുള്ള താത്പര്യത്തില് നാട്ടില് തന്നെ നില്ക്കുകയായിരുന്നു.
ഷൊര്ണൂര് പോലീസ് കേസെടുത്തു. ഏഴ് പ്രതികളും ഒളിവില്പ്പോയതായി പോലീസ് പറഞ്ഞു.
