ന്യൂദല്‍ഹി: പ്രവാചകനിന്ദ നടത്തിയ നൂപുര്‍ ശര്‍മ്മയ്‌ക്കെതിരെ നീതി നടപ്പാക്കാനുള്ള ആഹ്വാനവുമായി അല്‍ ക്വെയ്ദ.
ടൈംസ് ഓഫ് ഇന്ത്യയാണ് ഇക്കാര്യം വെളിപ്പെടുത്തിയത്. അല്‍ ക്വെയ്ദയുടെ മുഖപത്രമായ നവ-ഇ-ഗസ് വ-ഇ-ഹിന്ദിലാണ് ഇക്കാര്യം ആഹ്വാനം ചെയ്തിരിക്കുന്നത്. പത്രത്തില്‍ നൂപുര്‍ ശര്‍മ്മ നടത്തിയ പ്രവാചകനിന്ദയെക്കുറിച്ച് വിവരിച്ചിരിക്കുന്നതായും ടൈംസ് ഓഫ് ഇന്ത്യ റിപ്പോര്‍ട്ട് ചെയ്യുന്നു. ജിഹാദിനെ പ്രതിരോധിക്കാന്‍ ശത്രുവിനെതിരെ ആയുധമേന്താനും ആഹ്വാനമുണ്ട്.
നൂപുര്‍ ശര്‍മ്മയെ പിന്തുണച്ചതിന് ഉദയ് പൂരിലെ കനയ്യ ലാലിനെയും മുംബൈ അമരാവതിയിലെ ഫാര്‍മസിസ്റ്റായ ഉമേഷ് കോല്‍ഹെയെയും വധിച്ചതിന് പിനനാലെയാണ് പുതിയ ആഹ്വാനം നവ-ഇ-ഗസ് വ-ഇ-ഹിന്ദ് മുഴക്കിയിരിക്കുന്നത്. സല്‍മാന്‍ റുഷ്ദിക്ക് നേരെ 35 വര്‍ഷങ്ങള്‍ക്ക് ശേഷം മതനിന്ദയുടെ പേരില്‍ ആക്രമണം നടന്നതോടെ സാഹചര്യം കൂടുതല്‍ അപകടകരമായിരിക്കുകയാണ്.
