മുംബൈ: എലിവിഷം കലര്ത്തിയ ഭക്ഷണം അബദ്ധത്തില് കഴിച്ചതിനെ തുടര്ന്ന് മുംബൈയില് 27 കാരിയായ യുവതി മരിച്ചു. മാഗി ഉണ്ടാക്കുന്നതിനിടെ യുവതി അബദ്ധത്തില് എലിവിഷം കലര്ത്തിയ തക്കാളി ചേര്ക്കുകയായിരുന്നു. മുംബൈയിലെ മലാഡിലെ പാസ്കല് വാഡിയിലാണ് സംഭവം.
ജൂലൈ 21 നാണ് സംഭവം. രേഖ നിഷാദ് എന്ന സ്ത്രീ വീട്ടില് എലികളെ കൊല്ലാന് തക്കാളിയില് എലിവിഷം നിറച്ചിരുന്നു. അടുത്ത ദിവസം അബദ്ധത്തില് ടിവി കാണുന്നതിനിടയില് രേഖ തക്കാളി ഭക്ഷണത്തില് ചേര്ത്തു നൂഡില്സ് പാചകം ചെയ്തു കഴിക്കുകായിരുന്നെന്ന് മാല്വാനി പോലീസ് സബ് ഇന്സ്പെക്ടര് മൂസ ദേവര്ഷി പറഞ്ഞു.
മാഗി കഴിച്ച് മണിക്കൂറുകള്ക്ക് ശേഷം രേഖ ഛര്ദ്ദിക്കാന് തുടങ്ങി. ഭര്ത്താവും ഭാര്യാ സഹോദരനും അടുത്തുള്ള ആശുപത്രിയില് എത്തിച്ചെങ്കിലും അധികം വൈകാതെ മരിക്കുകയായിരുന്നു.
