തൃശൂര്: തൃശൂര് പൂരത്തിന്റെ ഗജപ്രമാണിയായിരുന്ന കൊമ്പന് പാറമേക്കാവ് പത്മനാഭന് ചെരിഞ്ഞു. കഴിഞ്ഞ ഒരാഴ്ചയായി ശരീര അസ്വാസ്ഥ്യത്തെ തുടര്ന്ന് ചികിത്സയിലായിരുന്നു. ഇന്നലെ രാത്രി പത്തോടെ പാറമേക്കാവ് ആനക്കൊട്ടിലിലാണ് അന്ത്യം. നീര്കെട്ടിനെ തുടര്ന്നുള്ള വേദനയ്ക്ക് ചികിത്സ തുടരുന്ന സാഹചര്യത്തിലാണ് പൂരപ്രേമികളെ നടുക്കിയ വിയോഗം. തൃശൂര് പൂരത്തിന് കഴിഞ്ഞ 15 വര്ഷമായി പാറമേക്കാവ് വിഭാഗത്തിന്റെ തിടമ്പേറ്റിയിരുന്നത് പാറമേക്കാവ് പത്മനാഭനാണ്. ഇത്തവണ കുടമാറ്റത്തിന് തലേക്കെട്ട് ഇട്ട പത്മനാഭന്റെ ചിത്രങ്ങള് സമൂഹ മാധ്യമങ്ങളില് വൈറലായിരുന്നു.
പാറമേക്കാവ് വിഭാഗത്തിന്റെ കുടമാറ്റമുള്പ്പെടെ പകല്പ്പൂരത്തിനും കോലമേറ്റിയിരുന്നത് പത്മനാഭനാണ്. നന്തിലത്ത് ഗോപുവാണ് പത്മനാഭനെ തൃശൂരില് എത്തിച്ചത്. പിന്നീട് പാറമേക്കാവ് ദേവസ്വം വാങ്ങുകയായിരുന്നു. നന്തിലത്തു ഗ്രൂപ്പ് ഒരുമിച്ച് രണ്ട് ആനകളെയാണ് അന്ന് വാങ്ങിയത്. നന്തിലത്ത് പത്മനാഭനും നന്തിലത്ത് ഗോപാലകൃഷ്ണനും.
ഗോപാലകൃഷ്ണന് നേരത്തെ ചെരിഞ്ഞിരുന്നു. പത്മനാഭനെ പാറമേക്കാവിന് നല്കുകയും ചെയ്തു. നാല്പ്പത്തിയഞ്ചു വയസാണ് ഇവനുള്ളത്. ഒമ്പതേമുക്കാല് അടി ഉയരവുള്ള ലക്ഷണമൊത്ത ആനയായിരുന്നു പത്മനാഭന്. കഴിഞ്ഞയാഴ്ച നടക്കുന്നതിനിടെ കുഴഞ്ഞു വീണ ആനയെ ക്രെയിന് ഉപയോഗിച്ച് എഴുന്നേല്പ്പിച്ച് നിര്ത്തിയെങ്കിലും വീണ്ടും കുഴഞ്ഞു വീഴുകയായിരുന്നു. ചികിത്സ പുരോഗമിക്കുന്നതിനിടയിലാണ് ആന ചെരിഞ്ഞത്.
