ന്യൂദല്ഹി: ഹരിയാനയില് നിന്നുള്ള മുതിര്ന്ന കോണ്ഗ്രസ് നേതാവ് കുല്ദീപ് ബിഷ്ണോയി ബിജെപിയില് ചേരും. കേന്ദ്ര ആഭ്യന്തരമന്ത്രി അമിത് ഷാ, ബിജെപി ദേശീയ അദ്ധ്യക്ഷന് ജെ.പി നദ്ദ എന്നിവരുമായി കുല്ദീപ് കൂടിക്കാഴ്ച നടത്തി.
രാജ്യസഭാ തിരഞ്ഞെടുപ്പില് ബിഷ്ണോയി ക്രോസ് വോട്ട് ചെയ്തെന്നാരോപിച്ച് ഇദ്ദേഹത്തെ പാര്ട്ടി സ്ഥാനങ്ങളില് നിന്ന് കോണ്ഗ്രസ് നീക്കിയിരുന്നു. ഇതിന് പിന്നാലെയാണ് അദ്ദേഹം ബിജെപിയില് ചേരാനുള്ള നീക്കങ്ങള് ആരംഭിച്ചത്. ക്രോസ് വോട്ട് നടന്നതോടെ രാജ്യസഭാ സീറ്റില് കോണ്ഗ്രസ് സ്ഥാനാര്ത്ഥി അജയ് മാക്കന് പരാജയപ്പെട്ടിരുന്നു. തുടര്ന്ന് ജൂണ് 11നാണ് കോണ്ഗ്രസ് പ്രവര്ത്തക സമിതിയുടെ പ്രത്യേക ക്ഷണിതാവ് ഉള്പ്പെടെയുള്ള എല്ലാ സ്ഥാനങ്ങളില് നിന്നും കുല്ദീപിനെ നീക്കിയത്.
