മുംബൈ: ഒ.എന്‍.ജി.സി ഹെലികോപ്ടര്‍ തകര്‍ന്ന് വീണ് നാല് മരണം. ഹെലികോപ്ടറില്‍ നിന്നും പൈലറ്റുമാരുള്‍പ്പടെ അഞ്ച് പേരെ രക്ഷപ്പെടുത്തി സമീപത്തെ ആശുപത്രിയില്‍ പ്രവേശിപ്പിച്ചു. പവന്‍ഹാന്‍സിന്റെ ഹെലികോപ്ടറാണ് തകര്‍ന്നു വീണത്. അപകടത്തില്‍ നാല് പേര്‍ മരിച്ചുവെന്ന് നാനാവതി ആശുപത്രി അധികൃതര്‍ അറിയിച്ചു.
മുകേഷ് പട്ടേല്‍, വിജയ് മാന്‍ദലോയ്, സത്യബാദ് പാത്ര, സഞ്ജു ഫ്രാന്‍സിസ് എന്നിവരാണ് മരിച്ചത്. പെലറ്റുമാരുള്‍പ്പടെ ഒമ്പതുപേരാണ് ഹെലികോപ്ടറില്‍ ഉണ്ടായത്. മുംബൈയില്‍ നിന്നും 50 നോട്ടിക്കല്‍ മൈല്‍ അകലെയാണ് അപകടമുണ്ടായത്. പരിക്കേറ്റ് ചികിത്സയിലുള്ളവരെ ആരോഗ്യനില തൃപ്തികരമാണെന്ന് അധികൃതര്‍ അറിയിച്ചു.
