ന്യൂദല്‍ഹി: വിവാഹത്തിന് നിര്‍ബന്ധിച്ച യുവതിയെ കുത്തികൊലപ്പെടുത്തി യുവാവ്.സംഭവത്തില്‍ സഞ്ജയ് എന്ന യുവാവിനെ പോലീസ് പിടികൂടി.തെക്കുപടിഞ്ഞാറന്‍ ദല്‍ഹിയിലെ വസന്ത് കുഞ്ചിലാണ് സംഭവം നടന്നത്.മെഹ്‌റോളി സ്വദേശിനിയായ വീട്ടുജോലിക്കാരിയാണ് കൊല്ലപ്പെട്ടത്.മെയ് 22ന് വീട്ടില്‍ നിന്ന് കാണാതായ ഇവരെ 24ന് വസന്ത്കുഞ്ചിലെ ആളൊഴിഞ്ഞ സ്ഥലത്ത് മരിച്ചനിലയില്‍ കണ്ടെത്തി.തുടര്‍ന്ന് നടന്ന അന്വേഷണത്തില്‍ സഞ്ജയ് പിടിയിലായി.
യുവതി വിവാഹിതയാണ്. കുറച്ചുകാലമായി സഞ്ജയുമായി യുവതി പ്രണയത്തിലായിരുന്നു.ഇവര്‍ സഞ്ജയെ നിരന്തരം വിവാഹത്തിന് നിര്‍ബന്ധിക്കുമായിരുന്നു.നിര്‍ബന്ധം സഹിക്കവയ്യാതെയാണ് യുവതിയെ ഇയാള്‍ കൊലപ്പെടുത്തിയത്.പ്രതി കുറ്റം സമ്മതിച്ചു.2011ല്‍ സ്വന്തം ഭാര്യയെ കൊലപ്പെടത്തിയ കേസില്‍ ഇയാള്‍ ശിക്ഷിക്കപ്പെട്ടിട്ടുണ്ട്.
