ശ്രീനഗര്‍:ജമ്മുകാശ്മീരിലെ പുല്‍വാമയില്‍ ഇന്ത്യന്‍ റിസര്‍വ് പോലീസ്(ഐ.ആര്‍.പി) ഉദ്യോഗസ്ഥനെ ഭീകരര്‍ വെടിവെച്ചു കൊന്നു.ഐ.ആര്‍.പി 23-ാമത് ബറ്റാലിയനിലെ എസ്.ഐ ഫാറൂഖ് അഹമ്മദ് മിര്‍ ആണ് കൊല്ലപ്പെട്ടത്.ദക്ഷിണ കാശ്മീരിലെ പാംപോര്‍ മേഖലയിലാണ് സംഭവം നടന്നത്.
കഴിഞ്ഞ ദിസവം വീടിന് സമീപത്തെ പാടത്തേക്ക് പോയ ഫാറൂക്ക് തിരിച്ചെത്തിയിരുന്നില്ല.തുടര്‍ന്ന് നടന്ന അന്വേഷണത്തില്‍ അദ്ദേഹത്തിന്റെ മൃതശരീരം പാടത്ത് നിന്ന് കണ്ടെടുത്തു.പ്രാഥമിക അന്വേഷണത്തില്‍ ഭീകരരുടെ വെടിയേറ്റാണ് അദ്ദേഹം കൊല്ലപ്പെട്ടതെന്ന് കാശ്മീര്‍ സോണ്‍ പോലീസ് പറഞ്ഞു.സംഭവത്തില്‍ അന്വേഷണം ആരംഭിച്ചു.ഭീകരരെ കണ്ടെത്താനായി മേഖലയില്‍ തിരിച്ചില്‍ ആരംഭിച്ചിട്ടുണ്ട്. കൊലപാതകത്തിന്റെ ഉത്തരാവാദിത്വം ഭീകരസംഘടനകള്‍ ആരും ഏറ്റെടുത്തിട്ടില്ല.
