കൊച്ചി : മദ്യപിച്ച് തെരഞ്ഞെടുപ്പ് ഡ്യൂട്ടിക്കെത്തിയ പ്രിസൈഡിങ് ഓഫീസര്‍ പിടിയില്‍. മരോട്ടിചുവട് സെന്റ് ജോര്‍ജ് സ്‌കൂളിലെ പ്രിസൈഡിങ് ഓഫീസര്‍ വര്‍ഗീസ് പി ആണ് പിടിയിലായത്. ജിഎസ്ടി ഓഫീസിലെ ജീവനക്കാരനാണ് ഇയാള്‍.
23ാം നമ്പര്‍ ബൂത്തിലെ പ്രിസൈഡിങ് ഓഫീസറായിരുന്നു വര്‍ഗീസ്. ഇയാള്‍ മദ്യപിച്ചിട്ടുള്ളതായി എല്‍ഡിഎഫ് ബൂത്ത് ഏജന്റ് പരാതി നല്‍കിയതിനെ തുടര്‍ന്നാണ് നടപടി. തെരഞ്ഞെടുപ്പ് ഡ്യൂട്ടിക്കിടെ ഇയാള്‍ പുറത്തുപോയി മദ്യപിച്ചെന്നാണ് പരാതി. തുടര്‍ന്ന് ഇയാള്‍ക്ക് പകരം മറ്റൊരാളെ ഡ്യൂട്ടി ഏല്‍പ്പിച്ചു. വര്‍ഗീസിനെ വൈദ്യപരിശോധനയ്‌ക്കായി കൊണ്ടുപോയി.
അതേസമയം രാവിലെ തന്നെ പോളിങ് ബൂത്തുകളില്‍ വോട്ടര്‍മാരുടെ തിരക്കാണ്. നാല് മണിക്കൂറുകള്‍ക്കുള്ളില്‍ 28.33 ശതമാനം പേരാണ് വോട്ട് രേഖപ്പെടുത്തിയത്. രാവിലെ എഴ് മണിക്ക് ആരംഭിച്ച പോളില്‍ ആറ് മണിവരെയുണ്ടാകും.
