അഹമ്മദാബാദ്: ഐപിഎല് 2022 രാജസ്ഥാന് റോയല്സ്- ഗുജറാത്ത് ടൈറ്റന്സ് ഫൈനല് കാണാന് ഒരു ലക്ഷത്തിലധികം പേരാണ് അഹമ്മദാബാദിലെ മൊട്ടേറ സ്റ്റേഡിയത്തില് എത്തിയത്. ഇവിടെ സമാപനത്തോടനുബന്ധിച്ച് നടന്ന സംഗീത പരിപാടിയില് ദേശസ്നേഹം അലയടിക്കുന്ന മുഹൂര്ത്തം ഏറെ വൈകാരികമായി.
സ്റ്റേഡിയത്തിലെ ഒരു ലക്ഷത്തിലധികം വരുന്ന കാണികളാണ് വന്ദേ മാതരവും ജനഗണമനയും ഏറ്റു ചൊല്ലിയത്.ഐപിഎല് സമാപനത്തോടനുബന്ധിച്ചാണ് എ.ആര്. റഹ്മാന് തന്റെ പ്രസിദ്ധമായ വന്ദേ മാതരം ആലപിച്ചത്.
അതിലെ ഓരോ വരികളും ഏറ്റുചൊല്ലിയത് സ്റ്റേഡിയം നിറഞ്ഞുകവിഞ്ഞ ഒരു ലക്ഷത്തിലധികം കാണികള്. അതുപോലെ ജനഗണമനയും ഒരു ലക്ഷത്തിലധികം പേര് ഏറ്റുചൊല്ലി.
ദേശസ്നേഹം നിറഞ്ഞുതുളുമ്പുന്ന മുഹൂര്ത്തങ്ങള് ഏറെ ശ്രദ്ധേയമായി. ഈ വീഡിയോ പിന്നീട് സമൂഹമാധ്യമങ്ങളില് വൈറലായി.
