കൊച്ചി: നീണ്ട ഇടവേളയ്ക്കു ശേഷം നടി ഭാവന അഭിനയരംഗത്ത് സജീവമാകുന്നു. അതിജീവനത്തിന്റെ സാധ്യതകള് മുന്നിര്ത്തിയുള്ള സ്ത്രീപക്ഷ ഹ്രസ്വചിത്രത്തിന്റെ ടീസറാണ് ഇപ്പോള് വൈറലാകുന്നത്.
പഞ്ചിങ് പാഡില് കഠിന വ്യായാമത്തില് ഏര്പ്പെടുന്ന നടിയുടെ ദൃശ്യങ്ങള് പെണ്കരുത്തിന്റെ പോരാട്ട വീര്യത്തെ അടയാളപ്പെടുത്തുന്നു . ‘ദ സര്വൈവല് ‘ എന്ന പേരിലുള്ള ദൃശ്യമാണ് സമൂഹ മാധ്യമങ്ങളില് ഇതിനിടെ, വ്യാപകമായി പ്രചരിച്ചത്. പോരാട്ടത്തിന്റെ പാതയില് കൈകോര്ക്കാമെന്ന ആഹ്വാനവും ചിത്രം നല്കുന്നു. മാധ്യമ പ്രവര്ത്തകനായ എസ്.എന്. രജീഷ് ആണ് ചിത്രത്തിന്റെ സംവിധായകന്. മൈക്രോ ചെക്ക് നിര്മ്മിക്കുന്ന ചിത്രം അടുത്ത ദിവസം തന്നെ റിലീസ് ചെയ്യും.
