കുന്നംകുളം: മദ്യപിച്ച് ബോധം നഷ്ടപ്പെട്ട പിതാവ് വഴിയരികില് കിടന്നു നഗരത്തില് തനിച്ചായ കുട്ടിയ്ക്ക് പോലീസ് തുണയായി.ഗുരുവായൂര് റോഡിലുളള പെട്രോള് പമ്പിന് സമീപത്താണ് സംഭവം നടന്നത്.
അഞ്ച് വയസ്സ് മാത്രമുളള കുട്ടിയുമായി അപകടകരമായ രീതിയില് റോഡിലൂടെ നടന്ന ഇയാളെ നഗരത്തിലെ ഓട്ടോ ഡ്രൈവര്മാര് ചോദ്യം ചെയ്തപ്പോള് അവരോട് തട്ടിക്കയറി. പിന്നീട് ഇയാള് പമ്പിന് സമീപം ബോധമില്ലാതെ കിടന്നു.ഇതോടെ കുട്ടി കരയാന് തുടങ്ങി.
വിവരമറിഞ്ഞെത്തിയ എഎസ്ഐ സക്കീര് അഹമമ്ദ്, സി.പി.ഒ അബു താഹിര്, അനൂപ് എന്നിവര് എത്തി കുട്ടിയെ സമാധാനിപ്പിക്കുകയും. വിവരങ്ങള് ചോദിച്ചറിഞ്ഞ് നാട്ടുകാരുടെ സഹായത്തോടെ ചങ്ങരംകുളത്തിന് സമീപം മുക്കുതലയിലുളള വീട്ടില് കുഞ്ഞിനെയെത്തിച്ചു. കുട്ടിയുടെ കൂടെയുണ്ടായിരുന്ന പിതാവിന് അമിതമദ്യപാനം മൂലം, വിവരങ്ങള് ചോദിച്ചിട്ട് സംസാരിക്കാന് പോലും സാധിക്കുന്നില്ലായിരുന്നു.
Â
