ബെയ്റൂട്ട്: നോമ്പ് തുറക്കുന്നതിന്റെ ഭാഗമായുള്ള ഇഫ്താര് വിരുന്നിനിടെ കിഴക്കന് സിറിയയില് ഐഎസ് ആക്രമണം. ഏഴു പേര് കൊല്ലപ്പെട്ടു. സിറിയയില് അമേരിക്കന് സേനയുടെ പിന്തുണയുള്ള സംഘത്തിന്റെ മുന് മേധാവി നടത്തിയ ഇഫ്താര് വിരുന്നിനിടെയാണ് ഇസ്ലാമിക് സ്റ്റേറ്റ് ഭീകരന് ആക്രമണം അഴിച്ചുവിട്ടത്.
ദെയ്ര് ഇല്സോര് പ്രവിശ്യയിലെ അബു കസബ് മേഖലയില് കഴിഞ്ഞ ദിവസം രാത്രിയാണ് ആക്രമണമുണ്ടായത്. സിറിയന് ഡെമോക്രാറ്റിക് ഫോഴ്സിന്റെ വക്താവിന്റെ വീടിനു നേരെയാണ് ഐഎസ് ഭീകരര് വെടിയുതിര്ത്തത്. മോട്ടോര് സൈക്കിളിലെത്തിയ അക്രമി വീടിനുനേരേ വെടിയുതിര്ക്കുകയായിരുന്നു. വെടിയേറ്റാണ് ഏഴുപേരും കൊല്ലപ്പെട്ടത്. സ്ഥലത്ത് വെച്ച് തന്നെ നാലു പേരും ആശുപത്രിയിലേക്ക് കൊണ്ടുപോകും വഴിയാണ് മൂന്ന് പേരും മരിച്ചത്.
