ആലപ്പുഴ: കുടിവെള്ളം ചോദിച്ചെത്തിയ ബംഗാള് സ്വദേശി വീട്ടമ്മയേയും മകനേയും മാകരകമായ കുത്തി പരിക്കേല്പ്പിച്ചു. ആലപ്പുഴ തലവടിയിലാണ് സംഭവം. തലവടി സ്വദേശി വിന്സി, മകന് അന്വിന് എന്നിവര്ക്കാണ് കുത്തേറ്റത്. പ്രതി പശ്ചിമ ബംഗാള് സ്വദേശി സത്താറിനെ പോലീസ് പിടികൂടി.
കുടിവെള്ളം ചോദിച്ച് വീട്ടിലെത്തിയ സത്താര് ഉടനെ ബഹളം ആരംഭിക്കുകയായിരുന്നു. ഇതേ തുടര്ന്ന് വീട്ടുകാര് വാതില് അടച്ച് അകത്തു കയറി. കതകില് ഇടിച്ചും ചവിട്ടിയും തുറക്കാന് ശ്രമിച്ചെങ്കിലും പരാജയപ്പെട്ടതോടെ വീടിന് മുറ്റത്ത് പൂട്ടിയിട്ട നായുടെ നേരേ അക്രമം തുടര്ന്നു. നായയുടെ കഴുത്തില് കയറിട്ട് മുറുക്കിയത്തോടെ അന്വിന് പുറത്തിറങ്ങി തടയാന് ശ്രമിച്ചു. ഈ സമയം കൈയ്യില് കരുതിയിരുന്ന കത്തി ഉപയോഗിച്ച് പ്രതി അന്വിന്റെ നെഞ്ചിന് താഴെ കുത്തുകയായിരുന്നു.
മകനെ കുത്തുന്നതുകണ്ട് ഓടിയെത്തിയ വിന്സിയുടെ നേരെയും സത്താര് തിരിഞ്ഞു. വിന്സിയുടെ കൈയ്യിലാണ് കുത്തേറ്റത്. പോലീസ് എത്തി അതിസാഹസികമായാണ് പ്രതിയെ കീഴ്പ്പെടുത്തിയത്. കുത്തേറ്റ അമ്മയും മകനും ഹരിപ്പാട് താലൂക്ക് ആശുപത്രിയില് ചികിത്സയിലാണ്. ലഹരിക്ക് അടിമയാണ് പ്രതിയെന്ന് എടത്വ പോലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
