കാഞ്ഞങ്ങാട്: ക്രിമിനല് ജുഡീഷ്യല് കോടതികള് സംയോജിപ്പിക്കണമെന്ന ആവശ്യം ശക്തമാകുന്നു. സംസ്ഥാനത്ത് 15 ലക്ഷം കേസുകളാണ് നിലവില് കെട്ടികിടക്കുന്നത്. ഈ കേസുകളിലും ഭൂരിഭാഗവും ക്രിമിനല് കോടതികളിലാണ്. ഇവ കൈകാര്യം ചെയ്യാന് ക്രിമിനല് കോടതികളില് 188 ജുഡീഷ്യല് ഓഫിസര്മാര് മാത്രമാണുള്ളത്.
ഈ കേസുകള് കൈകാര്യം ചെയ്യാന് ഇവര്ക്ക് കീഴില് 2800 ഉദ്യോഗസ്ഥര് വേണം. എന്നാല് സിവില് കോടതികളില് കേസുകള് താരതമ്യേന കുറവാണ്. അതിനാല് കൂടുതല് ജീവനക്കാരെ ലഭിക്കാന് സിവില്, ക്രിമിനല് കോടതി വേര്തിരിവ് അവസാനിപ്പിച്ച് ഒരു കോടതി എല്ലാം കൈകാര്യം ചെയ്യുന്ന രീതി വന്നാല് നിലവിലുള്ള പ്രയാസങ്ങള് അവസാനിക്കും. 2020ല് മാത്രം ദേശീയ െ്രെകം റെക്കാര്ഡ് ബ്യൂറോയു ടെ കണക്ക് പ്രകാരം സംസ്ഥാനത്ത് 5,54,724 കേസുകളാണ് റിപ്പോര്ട്ട് ചെയ്തിരിക്കുന്നത്.
ഇത്രയധികം ഭാരിച്ച കേസുകള് തുച്ഛമായ ജീവനകാര് നോക്കേണ്ട അവസ്ഥയാണ് ഇപ്പോഴുള്ളത്. അതിനു കണക്കായി ജീവനക്കാരുടെ എണ്ണം വര്ദ്ധിപ്പിക്കാന് സര്ക്കാര് തയ്യാറാകുന്നില്ല. 26 വര്ഷത്തിനിടയില് വെറും 506 പോസ്റ്റുകളാണ് ക്രിമിനില് കോടതികളില് സര്ക്കാര് സൃഷ്ടിച്ചിരിക്കുന്നത്. ഇതിനെല്ലാം മാറ്റം വരണം കൂടുതല് ജീവനക്കാരെ അനുവദിക്കണം. ക്രിമിനല് കോടതികളിലെ ജീവനകാര്ക്ക് രാവിലെ ഒമ്പത് മണിക്ക് വന്നാല് വൈകീട്ട് ആറു മണിക്ക് പോലും ജോലി കഴിഞ്ഞ് പോകാന് കഴിയാത്ത അവസ്ഥയാണുള്ളത്. ഇതിന് പരിഹാരം കാണാന് സര്ക്കാര് തയ്യാറാകണമെന്ന് ക്രിമിനല് കോടതി ജീവനക്കാരുടെ സംഘടനയായ കേരള ക്രിമിനല് ജുഡീഷ്യല് സ്റ്റാഫ് അസോസിയേഷന് സംസ്ഥാന ഭാരവാഹികള് ആവശ്യപ്പെട്ടു.
മെയ് 28, 29 തിയ്യതികളില് കൊല്ലത്ത് നടക്കുന്ന സംസ്ഥാന സമ്മേളനത്തിന് മുന്നോടിയായി 188 ക്രിമിനല് കോടതികളിലേക്ക് വിളംബര ജാഥ നടക്കുന്നതായും ഭാരവാഹികള് അറിയിച്ചു.
