ഷൈന് ടോം ചാക്കോ, ബിനു പപ്പു, എം.എ. നിഷാദ് എന്നിവരെ പ്രധാന കഥാപാത്രങ്ങളാക്കി സോഹന് സീനുലാല് സംവിധാനം ചെയ്യുന്ന ‘ദി നെയിം’ എന്ന ചിത്രത്തിന്റെ പൂജാ ചടങ്ങും സ്വിച്ചോണ് കര്മ്മവും ചാലക്കുടി സിദ്ധാര്ത്ഥ ഹോട്ടലില് വെച്ച് നടന്നു. റവന്യൂ മന്ത്രി കെ രാജന് സ്വിച്ചോണ് നിര്വ്വഹിച്ചു. പ്രശസ്ത നടന് ഇര്ഷാദ് ഫസ്റ്റ് ക്ലാപ്പടിച്ചു.
സുധീര് കരമന, ജാഫര് ഇടുക്കി, സുനില് സുഖദ, പ്രജോദ് കലാഭവന്, ജയകൃഷ്ണന്, പാഷാണം ഷാജി, മേഘാ തോമസ്സ്, ആരാധ്യ ആന്, മഞ്ജു പിളള, ദിവ്യാ നായര്, മീരാ നായര്, അനു നായര്, സരിതാ കുക്കു, ജോളി ചിറയത്ത്, ലാലി പി.എം, അനഘ വി.പി. തുടങ്ങിയവരാണ് മറ്റു പ്രമുഖ താരങ്ങള്. ചാലക്കുടി പരിസര പ്രദേശങ്ങളിലായാണ് സിനിമയുടെ ചിത്രീകരണം നടക്കുന്നത്.
ബെസ്റ്റ് വേ എന്റര്ടെയ്ന്മെന്റിന്റെ ബാനറില് അനൂപ് ഷാജി നിര്മ്മിക്കുന്ന ചിത്രത്തിന്റെ കഥ, തിരക്കഥ, സംഭാഷണം മുഹാദ് വെമ്പായം നിര്വഹിക്കുന്നു. സംഗീതം- ബിജി ബാല്, ഛായാഗ്രഹണം- ബിനു കുര്യന്, എഡിറ്റര്- സാജന്, പ്രൊഡക്ഷന് കണ്ട്രോളര്- ദീപക് പരമേശ്വരന്, സൗണ്ട് ഡിസൈന്- ഡാന്, കോ- ഡയറക്ടര്- പ്രകാശ് മധു, പ്രൊഡക്ഷന് എക്സിക്യൂട്ടീവ്- നസീര് കാരന്തൂര്. പിആര്ഒ- എ.എസ്. ദിനേശ്.
