കോട്ടയം: ഏറ്റുമാനൂര്‍ മംഗളം എഞ്ചിനീയറിങ്ങ് കോളേജില്‍ നിന്ന് പഠനയാത്ര പോയ രണ്ട് വിദ്യാര്‍ത്ഥികള്‍ മണിപ്പാലില്‍ മുങ്ങി മരിച്ചു. ഒരാളെ കാണാതായി.
കോട്ടയം കുഴിമറ്റം ചേപ്പാട്ടുപറമ്പില്‍ അമല്‍.സി അനില്‍, പാമ്പാടി വെളളൂര്‍ എല്ലിമുളളില്‍ അലന്‍ റജി എന്നിവരാണ് മരിച്ചത്. ഇവര്‍ക്ക് ഒപ്പമുണ്ടായിരുന്ന എറണാകുളം ഉദയംപേരൂര്‍ ചിറമേല്‍ ആന്റണി ഷിനോജിനെ കാണാതായി. ചൊവ്വാഴ്‌ച്ച വൈകുന്നേരമാണ് അധ്യാപകരും, വിദ്യാര്‍ത്ഥികളും അടങ്ങുന്ന 42 അംഗ സഘം രണ്ട് ബസ്സുകളിലായി പഠനയാത്ര പുറപ്പെട്ടത്.
ഇന്ന് ഉച്ചയ്‌ക്ക് മണിപ്പാലിലെ സെന്റ്‌മേരീസ് ഐലന്‍ഡിലെ ഉടുപ്പി ബീച്ചില്‍ വെച്ച് സെല്‍ഫി എടുക്കാന്‍ കടലില്‍ ഇറങ്ങിയപ്പോഴാണ് അപകടം സംഭവിച്ചത്. ഇവര്‍ കമ്പ്യൂട്ടര്‍ സയന്‍സ് അവസാനവര്‍ഷ വിദ്യാര്‍ത്ഥികളാണ്.
