ന്യൂദല്ഹി: സില്വര് ലൈനില് സര്ക്കാരിന് ആശ്വാസം. സര്വേ നടപടികള് സ്റ്റേ ചെയ്യണമെന്നാവശ്യപ്പെട്ട് ഭൂവുടമകള് സമര്പ്പിച്ച ഹര്ജി സുപ്രീംകോടതി തളളി. സാമൂഹികാഘാത പഠനം നടത്തുന്നതില് എന്താണ് തെറ്റെന്ന് സുപ്രീംകോടതി നിരീക്ഷിച്ചു. ബൃഹത്തായ പദ്ധതികളുടെ സര്വേ തടയാനാകില്ല. ഹൈക്കോടടതി ഡിവിഷന് ബെഞ്ച് ഉത്തരവ് സുപ്രീംകോടതി ശരിവെക്കുകയായിരുന്നു. ജസ്റ്റിസ്സ് എം ആര് ഷാ അധ്യക്ഷനായ ബെഞ്ചാണ് ഹര്ജിയില് വിധി പറഞ്ഞത്. സര്വേ തടഞ്ഞ ഹൈക്കോടതി സിംഗിള് ബെഞ്ചിനെ സുപ്രീംകോടതി വിമര്ശിച്ചു. ഡിവിഷന് ബെഞ്ചിന്റെ ഉത്തരവിനെതിരെ ആലുവ സ്വദേശിയാണ് സുപ്രീംകോടതിയെ സമീപിച്ചത്. സര്വേ റദ്ദാക്കണമെന്നും അതിരടയാള കല്ല് സ്ഥാപിക്കുന്നത് തടയണമെന്നുമായിരുന്നു ഹര്ജിയിലെ പ്രധാന ആവശ്യം.
ഭൂനിയമ പ്രകാരവും സര്വെ ആന്ഡ് ബോര്ഡ് ആക്ട് പ്രകാരവും സര്ക്കാരിന് സര്വെ നടത്താന് അധികാരമുണ്ടെന്നായിരുന്നു ഹൈക്കോടതി ഡിവിഷന് ബെഞ്ചിന്റെ വിധി. ഇത് ചോദ്യം ചെയ്താണ് ഹര്ജി നല്കിയത്. സര്വേ നടപടികള് നിര്ത്തിവെക്കാന് ഹൈക്കോടതി സിംഗിള് ബെഞ്ച് ഉത്തരവിട്ടിരുന്നു.
