ഇടുക്കി : അന്ധ വിദ്യാലയത്തിലെ പ്രായപൂര്ത്തിയാകാത്ത പെണ്കുട്ടിയെ പീഡിപ്പിക്കാന് ശ്രമിച്ച യുവാവിനെ കാഞ്ഞാര് പോലീസ് അറസ്റ്റ് ചെയ്തു. ഇടുക്കി കുടയത്തൂര് അന്ധ വിദ്യാലയത്തിലെ വിദ്യാര്ത്ഥിനിക്ക് നേരെയുണ്ടായ പീഡന ശ്രമത്തില് ജീവനക്കാരനും പോത്താനിക്കാട് സ്വദേശി രാജേഷ് (36) ആണ് പിടിയിലായത്. പെണ്കുട്ടിയുടെ മൊഴിയേതുടര്ന്ന് പോസ്കോ കേസ് എടുത്ത് പ്രതിയെ അറസ്റ്റ് ചെയ്യുകയായിരുന്നു പ്രതിയെ കോടതിയില് ഹാജരാക്കും കാഞ്ഞാര് സിഐ സോള്ജി മോന്’, എസ്ഐ ജി. ബിന് തോമസ് എന്നിവര് ചേര്ന്നാണ് പ്രതിയെ അറസ്റ്റ് ചെയ്തത്
അതേസമയം കേസ് പണം നല്കി ഒതുക്കി തീര്ക്കാന് ശ്രമം നടന്നതായും ആരോപണം.കേസില് പെണ്കുട്ടിയുടെ ബന്ധുക്കളെയും സാക്ഷികളെയും വരുതിയിലാക്കി ഒത്തുതീര്ക്കാനാണ് ശ്രമം നടന്നത്. തെളിവുകള് നശിപ്പിക്കണമെന്ന് ആരോപണ വിധേയനായ രാജേഷ് പെണ്കുട്ടിയുടെ സഹോദരനോട് ആവശ്യപ്പെടുന്ന ശബ്ദരേഖയും പുറത്തുവന്നിരുന്നു.
പീഡനത്തിന് ഇരയായ പെണ്കുട്ടിയുടെ സുഹൃത്തും പീഡിപ്പിച്ച വ്യക്തിയും തമ്മിലുള്ള ഫോണ് സംഭാഷണമാണ് പുറത്തായത്. സ്കൂള് ജീവനക്കാരനെതിരെ നടപടിയെടുക്കാതെ മാനേജ്മെന്റും ഒത്തുതീര്പ്പിന് ശ്രമിക്കുകയാണ്.
ഒരു വര്ഷം മുമ്പാണ് കുടയത്തൂര് അന്ധ വിദ്യാലയത്തിലെ വിദ്യാര്ത്ഥിനിയെ വാച്ചറായ രാജേഷ് പീഡിപ്പിച്ചത്. പീഡനം പുറത്തറിയാതിരിക്കാന് പെണ്കുട്ടിയുടെ സുഹൃത്തിനും പിന്നീട് സഹോദരനും പണം നല്കി കേസ് ഇല്ലാതാക്കാന് ശ്രമിക്കുകയായിരുന്നു. ഒടുവില് ജനുവരി 26 റിപബ്ലിക്ക് ദിനത്തില് പെണ്കുട്ടിയുടെ കുടുംബത്തെ സ്കൂളില് വിളിച്ചുവരുത്തി ഒത്തുതീര്പ്പാക്കി. കേരള ഫെഡറേഷന് ഓഫ് ദി ബ്ലൈന്ഡ് എന്ന സംഘടനയുടെ സംസ്ഥാന പ്രസിഡന്റും സ്കൂള് മാനേജരുമായ വ്യക്തിയാണ് ഒത്തു തീര്പ്പിന് മുന്നില് നിന്നതെന്നാണ് സൂചന.
