കൊച്ചി : പറവൂരില് ഹോട്ടല് മുറിയില്വെച്ച് ഒന്നര വയസ്സുകാരിയെ വെള്ളത്തില് മുക്കിക്കൊന്നു. സംഭവത്തില് പള്ളുരുത്തി സ്വദേശി ജോണ് ബിനോയ് ഡിക്രൂസിനെ പോലീസ് പിടികൂടി. കുട്ടിയുടെ മുത്തശ്ശിയുടെ കാമുകന് ആണ് ഇയാള്.
കുട്ടിയുടെ പോസ്റ്റ്മോര്ട്ടം റിപ്പോര്ട്ട് പുറത്തുവന്നതോടെയാണ് മരണം കൊലപാതകം എന്ന് തെളിഞ്ഞത്. തിങ്കളാഴ്ച പുലര്ച്ചെയായിരുന്നു ഒന്നര വയസ്സുകാരി കൊല്ലപ്പെട്ടത്. അവശനിലയിലായ കുട്ടിയെ മുത്തശ്ശി ആശുപത്രിയില് എത്തിച്ചെങ്കിലും മരണം സ്ഥിരീകരിക്കുകയായിരുന്നു. ഇതിനിടെ സംശയം തോന്നിയ ആശുപത്രി അധികൃതര് വിവരം പോലീസിനെ അറിയിച്ചു. തുടര്ന്ന് പോലീസ് കുട്ടിയുടെ പോസ്റ്റ്മോര്ട്ടം നടത്താന് ആവശ്യപ്പെടുകയായിരുന്നു. പോസ്റ്റ്മോര്ട്ടത്തില് കുട്ടിയുടേത് മുങ്ങിമരണം ആണെന്ന് സ്ഥിരീകരിച്ചു. തുടര്ന്നാണ് ജോണിനെ കസ്റ്റഡിയില് എടുത്തത്. കുട്ടിയ്ക്ക് ശ്വാസം ലഭിക്കുന്നില്ലെന്ന് പറഞ്ഞാണ് മുത്തശ്ശി ആശുപത്രിയില് എത്തിച്ചത്.
ശനിയാഴ്ചയാണ് ഒന്നരവയസ്സുകാരിയുടെ അച്ഛമ്മയും ജോണും ചേര്ന്ന് ഹോട്ടലില് മുറിയെടുത്തത്. ഭാര്യഭര്ത്താക്കന്മാരാണെന്ന് പറഞ്ഞായിരുന്നു മുറിയെടുത്തതെന്ന് ഹോട്ടല് ജീവനക്കാരന് പറഞ്ഞു. ഇവര്ക്കൊപ്പം മറ്റൊരു കുട്ടിയും ഉണ്ടായിരുന്നു. തിളാഴ്ച പുലര്ച്ചെ ധൃതിയില് പുറത്തു നിന്നും എത്തിയ മുത്തശ്ശി കുട്ടിയ്ക്ക് സുഖമില്ലെന്ന് പറഞ്ഞ് കൊണ്ടുപോകുകയായിരുന്നു. പിറ്റേന്നാണ് മരിച്ചെന്ന് അറിഞ്ഞത്. ജോണിനെ കണ്ടപ്പോള് സംശയം തോന്നിയിരുന്നുവെന്നും ജീവനക്കാരന് വ്യക്തമാക്കി.
