കോട്ടയം: മാര്‍ച്ച് എട്ട് വനിതാ ദിനത്തോട് അനുബന്ധിച്ച് കെഎസ്ആര്‍ടിസി സ്ത്രീകള്‍ക്കായി ടൂര്‍ പാക്കേജ് ഒരുക്കീയിരിക്കുന്നു.മാര്‍ച്ച് എട്ട് മുതല്‍ 13 വരെയാണ് പാക്കേജ് ഉളളത്.
വുമന്‍ ട്രാവല്‍വീക്ക് എന്ന പേരില്‍ യാത്രവാരം ആഘോഷമാക്കുകയാണ് കെഎസ്ആര്‍ടിസി. കോട്ടയം ഡിപ്പോയില്‍ നിന്നാണ് യാത്ര. വനിതകള്‍ക്ക് മാത്രമായി ഉളള പാക്കേജാണ് ഇത്. ആദ്യ ദിനം വണ്ടര്‍ലാ വാട്ടര്‍ തീം പാര്‍ക്കിലേക്കാണ്.പ്രവേശനഫീസ് ഉള്‍പ്പെടെ 900 രൂപയാണ് ചെലവ്.
രാവിലെ എട്ടിന് പുറപ്പെട്ട് രാത്രി എട്ടിന് തിരിച്ചെത്തും. പിന്നീടുളള ദിവസങ്ങളില്‍ വാഗമണ്‍, മലക്കപ്പാറ തുടങ്ങി പ്രകൃതി മനോഹര ദൃശ്യങ്ങളിലേക്കാണ് യാത്രകള്‍. വനിത ദിനം വനിതകളുടെ സന്തോഷങ്ങള്‍ക്കായി മാറ്റിവെക്കുകയാണ് ഇതിലൂടെ കെഎസ്ആര്‍ടിസി. കെഎസ്ആര്‍ടിസിയുടെ ടൂര്‍പാക്കേജ്കള്‍ക്ക് വന്‍സ്വീകാര്യത ലഭിക്കുകയാണ് ഇപ്പോള്‍.അതുകൊണ്ട് കൂടിയാണ് പുതിയ ആശയവുമായി എത്തിയത്.
