തിരുവനന്തപുരം: നഗരകാര്യവകുപ്പിലെ ജനപ്രതിനിധികള്ക്കും ഉദ്യോഗസ്ഥര്ക്കും ഔദ്യോഗിക ഫോണ്നമ്പര് അനുവദിച്ചു. നഗരസഭകളിലെയും കോര്പ്പറേഷനുകളിലെയും മേയര്മാാര്, സെക്രട്ടറിമാര്, അഡീഷണല് സെക്രട്ടറിമാര്, നഗരകാര്യവകുപ്പിലെ ഉയര്ന്ന ഉദ്യോഗസ്ഥര് തുടങ്ങിയവര്ക്കാണ് ഔദ്യോഗിക ഫോണ്നമ്പറുകള് അനുവദിച്ചത്.
ഓരോ മാസവും നിശ്ചിത നിരക്കിലുള്ള തുകയ്ക്ക് ഉദ്യോഗസ്ഥര്ക്ക് ഫോണ്വിളിക്കാനും, ഡാറ്റ ഉപയോഗിക്കാനും എസ്എംഎസ് അയക്കാനും സാധിക്കും. ഓരോവര്ഷവും ട്രാന്സ്ഫര് ആകുന്നതിനും വിരമിക്കുന്നതിനുമനുസരിച്ച് പുതിയ ഉദ്യോഗസ്ഥര് വരുമ്പോള് ഇവരുടെ ഫോണ് നമ്പര് ലഭ്യമാവുന്നതില് നേരിടുന്ന പ്രയാസം പരിഹരിക്കുന്നതിനായാണ് ഔദ്യോഗിക ഫോണ്നമ്പര് അനുവദിച്ചത്.
പുതിയ സംവിധാനത്തില് ഓരോ മുനിസിപ്പാലിറ്റിക്കും കോര്പ്പറേഷനും നഗരകാര്യവകുപ്പിലെ ഓഫീസുകള്ക്കും സ്ഥിരമായി ഒരു ഫോണ്നമ്പര് ഉണ്ടാകും. അളുകള് മാറുന്നതിനനുസരിച്ച് നമ്പര് മാറുമ്പോഴുണ്ടാകുന്ന പ്രയാസത്തിന് ഇതിലൂടെ പരിഹാരമാകും.
