റാന്നി: നാടിന് താങ്ങായിരുന്ന യുവാവിനെ ജീവിതത്തിലേക്ക് തിരിച്ചെത്തിക്കാനുള്ള പ്രാര്ത്ഥനയിലാണ് ബന്ധുക്കളും സുഹൃത്തുക്കളും.ചെറുകുളഞ്ഞി, വലിയകുളം, ഈട്ടിക്കല് കാലായില് പരേതനായ കെ.ആര്.കണ്ണന്റെ മകന് വിഷ്ണു(24) ബൈക്കപകടത്തില് തലയ്ക്ക് ഗുരുതരമായി പരിക്കേറ്റ് ചികിത്സയിലാണ്.
കൊട്ടാരക്കരയില് വെച്ചുണ്ടായ അപകടത്തിലാണ് പരിക്കേറ്റത്.കഴിഞ്ഞ മൂന്നാഴ്ചയായി കോട്ടയം മെഡിക്കല് കോളജില് വെന്റിലേറ്ററിലാണ്.സാമ്പത്തികമായി പിന്നാക്കം നില്ക്കുന്ന കുടുംബത്തിന് ഭാരിച്ച ചികിത്സാ ചെലവ് താങ്ങാന് കഴിയുന്നില്ല.
അച്ഛന്റെ മരണശേഷം വിഷ്ണുവിനെ ആശ്രയിച്ചായിരുന്നു അമ്മയും ഒരു സഹോദരനും അടങ്ങുന്ന കുടുംബം കഴിഞ്ഞത്.വിഷ്ണുവിനെ ജീവിതത്തിലേക്ക് തിരിച്ചെത്തിക്കാന് സുമനസ്സുകളുടെ കാരുണ്യം തേടുകയാണ് ഈ കുടുംബം.2018ലെ മഹാപ്രളയത്തിലും കൊവിഡ് മഹാമാരിക്കാലത്തും സേവാഭാരതിയോടപ്പം സേവന പ്രവര്ത്തനങ്ങളില് സജീവമായിരുന്നു വിഷ്ണു.
നാടിനൊപ്പമുണ്ടായിരുന്ന ഈ യുവാവിന്റെ ജീവന് രക്ഷിക്കാന് സഹായ നിധി രൂപീകരിച്ചിട്ടുണ്ട്. ഇതിനായി ഫെഡറല് ബാങ്ക് വടശ്ശേരിക്കര ഫെഡറല് ബാങ്ക് ശാഖയില് സഹോദരന് അംബരീഷിന്റെ പേരില് അക്കൗണ്ടും തുടങ്ങി. അക്കൗണ്ട് നമ്പര്: 12070100193787,ഐഎഫ്സി കോഡ് FDRL0001207. ഗൂഗിള് പേ 9645640176. ഫോണ് 7780997341.
