പത്തനംതിട്ട : പത്തനംതിട്ടയില് പ്ലസ്ടു വിദ്യാര്ത്ഥിയെ ഹോട്ടലിന് മുകളില് ആത്മഹത്യ ചെയ്ത നിലയില് കണ്ടെത്തി. തൃശൂര് വരന്തരപ്പിള്ളി ചുക്കേരി വീട്ടില് അലോന്സോ ജോജി (18) ആണ് മരിച്ചത്. റാന്നി സിറ്റാഡല് സ്കൂളിലെ പ്ലസ് ടു വിദ്യാര്ത്ഥിയാണ്.
രണ്ടു മാസമായി പത്തനംതിട്ട നഗരത്തിലെ ഹോട്ടലിലായിരുന്നു താമസം. പത്തനംതിട്ട കോളേജ് റോഡില് പ്രവര്ത്തിക്കുന്ന ഹോട്ടലില് കഴിഞ്ഞ മാസം മൂന്നിനാണ് അലോന്സോ റൂമെടുത്തിരുന്നത്. 405-ാം നമ്പര് റൂമിലെ താമസക്കാരനായിരുന്നു. ചൊവ്വാഴ്ച രാത്രി 11.30 ഓടെയാണ് കുട്ടിയെ ആത്മഹത്യ ചെയ്ത നിലയില് കണ്ടെത്തുകയായിരുന്നു.
ഹോട്ടല് കെട്ടിടത്തിന്റെ മൂന്നാംനിലയിലാണ് മൃതദേഹം കണ്ടെത്തിയത്. ഉടന് ജീവനക്കാര് പോലീസിനെ വിവരം അറിയിക്കുകയായിരുന്നു. കുടുംബ പ്രശ്നങ്ങളാണ് ആത്മഹത്യയിലേക്ക് നയിച്ചതെന്നാണ് പ്രാഥമിക നിഗമനം. പോലീസ് അന്വേഷണം തുടങ്ങി.
