എസ്സാ എന്റര്ടെയ്ന്മെന്റ്സിന്റെ ബാനറില് മുഹമ്മദ് കുട്ടി നിര്മ്മിച്ച് നവാഗതനായ അരുണ് ശിവവിലാസം സംവിധാനം ചെയ്യുന്ന പുതിയ ചിത്രത്തിന്റെ ‘പ്രൊഡക്ഷന് നമ്പര് വണ്’ എന്ന് താല്ക്കാലിക പേരിട്ട പോസ്റ്റര് പുറത്തിറങ്ങി. ടൈറ്റില് പോസ്റ്റര് ഉടന് പുറത്തിറങ്ങും.
ധ്യാന് ശ്രീനിവാസനാണ് നായകന്. കൂടാതെ ഇന്ദ്രന്സ്, ഷാലു റഹീം എന്നിവരും ചിത്രത്തില് കേന്ദ്ര കഥാപാത്രങ്ങളാവുന്നു. ക്യാമറ ഫൈസല് അലിയാണ്. കെ.ജെ. വിനയനാണ് ചീഫ് അസോസിയേറ്റ് ഡയറക്ടര് ആവുന്നത്.
കേരളത്തിലെ പ്രശസ്തമായ ഒരു ബിസിനസ് സംരംഭകരായ എസ്സ ഗ്രൂപ്പ് ഓഫ് കമ്പനീസിന്റെ സിനിമയിലേക്കുള്ള പുതിയ കാല്വെപ്പാണ് ‘എസ്സ എന്റര്ടൈന്മെന്റ്സ്’ എന്ന പേരില് ഇപ്പോള് ഈ ചിത്രം നിര്മ്മിച്ചു കൊണ്ട് സാധ്യമാവുന്നത്. വരും മാസങ്ങളില് ഒട്ടനവധി ചിത്രങ്ങളുടെ നിര്മ്മാണത്തിന്റെ പണിപ്പുരയിലുമാണ്. സംവിധായകനായ അരുണ് ശിവവിലാസം സിനിമാ രംഗത്ത് നവാഗതനാണെങ്കിലും സംവിധാനത്തോടും എഴുത്തിനോടും താല്പ്പര്യമുള്ള വ്യക്തി കൂടിയാണ്.
മ്യൂസിക്: നിഹാല് സാദിഖ്, എഡിറ്റര്: റിയാസ് കെ. ബദര്, വരികള്: അജീഷ് ദാസന്, പ്രൊജക്റ്റ് ഡിസൈനര്: നിധിന് പ്രേമന്, ലൈന് പ്രൊഡ്യൂസര്: ഫായിസ് യൂസഫ്, മ്യൂസിക്: നിഹാല് സാദിഖ്, പ്രൊഡക്ഷന് കണ്ഡ്രോളര്: സുരേഷ് മിത്രക്കരി, ആര്ട്ട്: നിമേഷ് എം തണ്ടൂര്, ഫിനാന്സ് കണ്ട്രോളര്: മുഹമ്മദ് സുഹൈല് പി.പി., പിആര്ഒ: പി. ശിവപ്രസാദ്.
