ലഖ്നൗ: സയ്യിദ് മോദി ഇന്ത്യ ഇന്റര്നാഷണല് വനിതാ സിംഗിള്സ് കിരീടം സ്വന്തമാക്കി പി.വി സിന്ധു. രണ്ടു വര്ഷത്തെ കിരീട വരള്ച്ചയാണ് ഇന്ത്യയുടെ ഒളിമ്പിക് മെഡല് ജേതാവ് പി.വി സിന്ധു ഇതോടെ അവസാനിപ്പിച്ചത്.
ഇന്ത്യയുടെ തന്നെ 20കാരി മാളവിക ബന്സോദിനെ നേരിട്ടുള്ള ഗെയിമുകള്ക്ക് തകര്ത്താണ് (2113, 2116) സിന്ധുവിന്റെ കിരീട നേട്ടം. ബാബു ബനാറസിദാസ് ഇന്ഡോര് സ്റ്റേഡിയത്തില് നടന്ന മത്സരം 35 മിനിറ്റുകള് മാത്രമാണ് നീണ്ടത്. 2019ല് ബാഡ്മിന്റണ് ലോക ചാമ്പ്യന്ഷിപ്പില് സ്വര്ണ മെഡല് നേടിയ ശേഷമുള്ള സിന്ധുവിന്റെ ആദ്യ കിരീട നേട്ടമാണിത്. സയ്യിദ് മോദി ഇന്ത്യ ഇന്റര്നാഷണല് വനിതാ സിംഗിള്സില് സിന്ധു സ്വന്തമാക്കുന്ന രണ്ടമത്തെ കിരീടമാണിത്.
