കൊച്ചി : കുറച്ച് ദിവസങ്ങളായി സമൂഹ മാധ്യമങ്ങളില്‍ തനിക്കെതിരെ പ്രചരിക്കുന്ന വാര്‍ത്തകളെല്ലാം കെട്ടുകഥകളെന്ന് മറുപടിയുമായി നടി ഭാമ. താനും കുടുംബവും പൂര്‍ണ്ണ ആരോഗ്യത്തോടെയാണ് ഇരിക്കുന്നതെന്നും ഭാമ അറിയിച്ചു. ഇന്‍സ്റ്റഗ്രാം കുറിപ്പിലൂടെയാണ് ഇക്കാര്യം അറിയിച്ചത്.
കഴിഞ്ഞ കുറച്ചു ദിവസങ്ങളിലായി എന്റെ പേരില്‍ ഒരുപാട് ആരോപണങ്ങളും കെട്ടുകഥകളും സോഷ്യല്‍ മീഡിയയില്‍ വന്നു കൊണ്ടിരിക്കുകയാണ്. എന്നെയും എന്റെ കുടുംബത്തെയും അന്വേഷിച്ചവര്‍ക്കായി പറയട്ടെ… ഞങ്ങള്‍ ആരോഗ്യത്തോടെയും സന്തോഷത്തോടെയും ഇരിക്കുന്നു. എല്ലാ സ്‌നേഹത്തിനും നന്ദി.’ എന്നായിരുന്നു ഭാമയുടെ കുറിപ്പ്.
വിവാഹശേഷം സിനിമയില്‍ നിന്നും ഭാമ വിട്ടു നില്‍ക്കുകയാണ്. നടി ആക്രമിക്കപ്പെട്ട കേസില്‍ സാക്ഷിയായിരുന്നു. 2020 ജനുവരിയിലാണ് ഭാമ വിവാഹിതയായത്. ദുബായിയില്‍ ബിസിനസ്സുകാരനായ അരുണ്‍ വിവാഹത്തോടെ നാട്ടില്‍ സെറ്റിലാവുകയായിരുന്നു. കഴിഞ്ഞ വര്‍ഷം മാര്‍ച്ചിലാണ് ഇരുവര്‍ക്കും കുഞ്ഞ് ജനിക്കുന്നത്.
പ്രതികരിക്കാൻ ഇവിടെ എഴുതുക: