ആലപ്പുഴ: ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്, എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനെ സന്ദര്ശിച്ചു. പുതിയ അധ്യക്ഷന്റെ നേതൃത്വത്തില് കേരളത്തിലെ ബിജെപി മെച്ചപ്പെടുമെന്ന് വെള്ളാപ്പള്ളി നടേശന് മാധ്യമങ്ങളോട് പ്രതികരിച്ചു.
രാജീവ് ചന്ദ്രശേഖര് ശുദ്ധനായ രാഷ്ട്രീയക്കാരനാണ്. വളഞ്ഞ വഴി അറിയാത്ത നേതാവാണ്. ബിജെപിയില് എല്ലാവരും രാജീവ് ചന്ദ്രശേഖറിന്റെ നേതൃത്വത്തില് അണിനിരക്കുമെന്നാണ് വിശ്വാസം. വഖഫ് ബില് പാസാക്കിയത് നന്നായി. മുനമ്പം പ്രശ്നം പരിഹരിക്കാനാകും. ബില് മുസ്ലിങ്ങള്ക്ക് എതിരല്ല. മുനമ്പത്ത് പോയി സമരക്കാര്ക്ക് പിന്തുണ പ്രഖ്യാപിച്ചവര് പോലും ബില്ലിനെ പിന്നീട് എതിര്ത്തു, വെള്ളാപ്പള്ളി പറഞ്ഞു.
വെള്ളാപ്പള്ളിയുമായി കാലങ്ങളായുള്ള ബന്ധമെന്ന് രാജീവ് ചന്ദ്രശേഖര് വ്യക്തമാക്കി. സന്ദര്ശനത്തിനുശേഷം വലിയ ഊര്ജത്തോടെയാണ് മടങ്ങുന്നത്. ഈഴവ വോട്ട് ബിജെപിക്ക് ലഭിക്കുന്നത് ചോര്ച്ചയിലൂടെ അല്ല. പുതിയ കാലത്ത് നല്ല പാര്ട്ടിക്ക് ആളുകള് വോട്ട് ചെയ്യും. വെള്ളാപ്പള്ളി നടേശന് ചില നിര്ദേശങ്ങള് തന്നിട്ടുണ്ട്. അത് ഞാന് മനസില് വെച്ച് പ്രവര്ത്തിക്കും, രാജീവ് ചന്ദ്രശേഖര് പറഞ്ഞു.
ബിഡിജെഎസ് സംസ്ഥാന അധ്യക്ഷന് തുഷാര് വെള്ളാപ്പള്ളി, ബിജെപി ദേശീയ നിര്വാഹക സമിതിയംഗം പി. കെ. കൃഷ്ണദാസ്, സംസ്ഥാന കൗണ്സിലംഗങ്ങളായ അഡ്വ. എസ്. സുരേഷ്, എം. വി. ഗോപകുമാര് തുടങ്ങിയവര് പങ്കെടുത്തു.
