പൃഥ്വിരാജ് ചിത്രമായ ഡ്രൈവിങ് ലൈസന്സ് ഹിന്ദിയില് റീമെയ്ക്ക് ചെയ്യുന്നു. സെല്ഫി എന്ന് പേരിട്ടിക്കുന്ന ചിത്രത്തില് അക്ഷയ് കുമാറും ഇമ്രാന് ഹാഷ്മിയും ആദ്യമായി ഒന്നിച്ച് അഭിനയിക്കും. ധര്മ്മ പ്രൊഡക്ഷന്സ്, പൃഥ്വിരാജ് പ്രൊഡക്ഷന്സ്, മാജിക് ഫ്രെയിംസ്, കേപ്പ് ഓഫ് ഗുഡ് ഫിലിംസ് എന്നിവര് ചേര്ന്നാണ് ചിത്രത്തിന്റെ നിര്മാണം.
ധര്മ്മ പ്രൊഡക്ഷന്സും, പൃഥ്വിരാജ് സുകുമാരന്, മാജിക് ഫ്രെയിംസ് എന്നിവരുടെ ഹിന്ദി സിനിമാ നിര്മാണത്തിലേക്കുള്ള അരങ്ങേറ്റം കൂടിയാണ് ഇത്. മലയാളത്തില് സൂപ്പര്ഹിറ്റായ ചിത്രം ‘ഡ്രൈവിങ് ലൈസന്സി’ന്റെ റീമേക്ക് രാജ് മെത്തയാണ് സംവിധാനം ചെയ്യുന്നത്.
അരുണ ഭാട്ടിയ, ഹിറൂ യാഷ് ജോഹര്, സുപ്രിയ മേനോന്, കരണ് ജോഹര്, പൃഥ്വിരാജ് സുകുമാരന്, അപൂര്വ മേത്ത, ലിസ്റ്റിന് സ്റ്റീഫന് എന്നിവര് ചേര്ന്ന് നിര്മ്മിച്ച സെല്ഫി, 2022ല് തീയറ്ററുകളില് എത്തും. ചിത്രീകരണം ഉടന് ആരംഭിക്കും വാര്ത്ത പ്രചരണം- എ.എസ്. ദിനേശ്.
