കോട്ടയം : അവിശ്വാസ പ്രമേയത്തിനായി എസ്ഡിപിഐ പിന്തുണ സ്വീകരിച്ച സിപിഎമ്മുകാര്ക്കെതിരെ അച്ചടക്ക നടപടി. ഈരാറ്റുപേട്ട നഗരസഭയില് അവിശ്വാസ പ്രമേയത്തിനായി സിപിഎം എസ്ഡിപിഐയുടെ പിന്തുണ തേടിയുരുന്നു. ഇതിനെ തുടര്ന്നാണ് രണ്ട് ഏരിയ കമ്മിറ്റി അംഗങ്ങളെ പാര്ട്ടി തരംതാഴ്ത്തി.
അവിശ്വാസ പ്രമേയത്തിനായി എസ്ഡിപിഐയുടെ പിന്തുണ സ്വീകരിച്ചതില് സംസ്ഥാന തലത്തില് വലിയ വിമര്ശനങ്ങള്ക്കിടയാക്കിയിരുന്നു. ഇതിനെ തുടര്ന്നാണ് ഏരിയാ കമ്മിറ്റി ചേര്ന്ന് ആരോപിതരായ അംഗങ്ങളെ തരംതാഴ്ത്താന് തീരുമാനിച്ചത്.
നിലവില് എട്ട് നേതാക്കള്ക്കെതിരേയാണ് നടപടി സ്വീകരിച്ചിട്ടുണ്ട്. ചിലരെ തരംതാഴ്ത്തുകയും ചിലരെ പുറത്താക്കുകയുമാണ് ചെയ്തിട്ടുണ്ട്. മറ്റ് പ്രവര്ത്തകര്ക്കെതിരെ വിഭാഗീയ പ്രവര്ത്തനങ്ങളെ തുടര്ന്നാണ് നടപടിയെടുത്തതെന്നാണ് പാര്ട്ടി ജില്ലാ നേതൃത്വത്തിന്റെ നിലപാട്.
അതേസമയം ഇതുമായി ബന്ധപ്പെട്ടുണ്ടായ കടുത്ത വിഭാഗീയത കാരണം ഈരാറ്റുപേട്ട ലോക്കല് സമ്മേളനം ഇതുവരെ നടത്താനായിട്ടില്ല. സമ്മേളനത്തില് വ്യാപകമായ മത്സരം വന്നതിനെ തുടര്ന്ന് സമ്മേളനം മാറ്റിവെക്കുകയായിരുന്നു. സമ്മേളനം നടത്തിപ്പ് സംബന്ധിച്ച് പ്രശ്നങ്ങള് ഉണ്ടാക്കിയവരും തരംതാഴ്ത്തല് ഉള്പ്പടെയുള്ള നടപടികള് സ്വീകരിച്ചിട്ടുണ്ട്.
