2020-21 അധ്യയന വര്‍ഷത്തില്‍ 10, 12 ക്ലാസുകളില്‍ തത്തുല്യ പരീക്ഷകളില്‍ 60% മാര്‍ക്കില്‍/ തത്തുല്യ ഗ്രേഡില്‍ കുറയാതെ വിജയിച്ച സാമ്പത്തികമായി ദുര്‍ബലമായ കുടുംബങ്ങളിലെ വിദ്യാര്‍ത്ഥികള്‍ക്കുവേണ്ടി എല്‍ഐസി ഗോള്‍ഡന്‍ ജൂബിലി ഫൗണ്ടേഷന്‍ സ്‌കോളര്‍ഷിപ്പ് നല്‍കുന്നു. എല്‍ഐസിയുടെ ഓരോ ഡിവിഷണല്‍ കേന്ദ്രത്തിനും 20 റഗുലര്‍ സ്‌കോളര്‍ഷിപ്പുകള്‍ ലഭ്യമാണ്.
മെഡിസിന്‍, എന്‍ജീനീയറിംഗ്, മറ്റ് വിഷയങ്ങളില്‍ ബിരുദം/ഡിപ്ലോമ/ഇന്റഗ്രേറ്റഡ് കോഴ്‌സുകളില്‍ ഉപരിപഠനം നടത്തുന്നവര്‍ക്ക് അപേക്ഷിക്കാം. ഗവണ്‍മെന്റ് അംഗീകാരമുള്ള കോളേജുകള്‍/സ്ഥാപനങ്ങളില്‍ പഠിക്കുന്നവരാകണം. ഐടിഐ/വൊക്കേഷണല്‍ കോഴ്‌സുകളില്‍ പഠിക്കുന്നവരെയും പരിഗണിക്കും.
പെണ്‍കുട്ടികള്‍ക്ക് 10 സ്പെഷ്യല് സ്‌കോളര്‍ഷിപ്പും ഏര്‍പ്പെടുത്തിയിട്ടുണ്ട്. അപേക്ഷാ സമര്‍പ്പണത്തിനും കൂടുതല്‍ വിവരങ്ങള്‍ക്കും www.licindia.in- ല്‍ ബന്ധപ്പെടേണ്ടതാണ്. അപേക്ഷ ഓണ്‍ലൈനായി ഡിസംബര്‍ 31 നകം സമര്‍പ്പിക്കണം.
