ധാക്ക: ഹീറോ ഏഷ്യന് ചാമ്പ്യന്സ് ട്രോഫി ഹോക്കി ടൂര്ണമെന്റില് ഇന്ത്യക്ക് സമനില. നിലവിലെ ചാമ്പ്യന്മാരായ ഇന്ത്യയെ 2-2ന് കൊറിയ സമനിലയില് പിടിച്ചു. ടൂര്ണമെന്റിലെ ആദ്യ മത്സരത്തിനിറങ്ങിയ ഇന്ത്യ രണ്ട് ഗോളുകള്ക്ക് മുന്നിട്ട് നിന്ന ശേഷമാണ് സമനിലയില് കുരുങ്ങിയത്.
നാലാം മിനിറ്റില് ലലിത് ഉപാധ്യായ ഇന്ത്യയെ മുന്നിലെത്തിച്ചു. 18-ാം മിനിറ്റില് ഹര്മന്പ്രീത് സിങ് ലീഡ് ഉയര്ത്തി. എന്നാല് 41-ാം മിനിറ്റിലും 46-ാം മിനിറ്റിലും തുടര്ച്ചയായി ഗോള് നേടി കൊറിയ സമനില പിടിച്ചു. ഗോള് നേടാന് നിരവധി അവസരങ്ങള് ലഭിച്ചെങ്കിലും കഴിയാതെപോയതാണ് ഇന്ത്യക്ക് തിരിച്ചടിയായത്.
