പാലാ: നഗരസഭാ സ്റ്റേഡിയത്തില് നടക്കുന്ന ജില്ലാ അത്ലറ്റിക് മീറ്റിന്റെ രണ്ടാം ദിനത്തില് കെ.പി. തോമസ് മാഷ് അക്കാദമിയുടെ കുതിപ്പ് തുടരുന്നു. ശനിയാഴ്ച മീറ്റ് അവസാനിക്കാനിരിക്കെ 800 പോയിന്റ് നേടിയാണ് പൂഞ്ഞാര് തോമസ് മാഷ് അക്കാദമി മുന്നില് നില്ക്കുന്നത്. മുന് കാലങ്ങളില് സ്ഥിരമായി ചാമ്പ്യന്മാരായിരുന്ന പാലാ അല്ഫോന്സാ അക്കാദമി 588 പോയിന്റുമായി രണ്ടാം സ്ഥാനത്താണ്. 301 പോയിന്റുമായി ചങ്ങനാശേരി അസംപ്ഷന് കോളജ് മൂന്നാം സ്ഥാനത്താണ്.
20 വയസ്സില് താഴെയുള്ള പെണ്കുട്ടികളുടെ വിഭാഗത്തില് പാലാ അല്ഫോന്സാ അക്കാദമിയും വനിതാ വിഭാഗത്തില് ചങ്ങനാശേരി അസംപ്ഷന് കോളജുമാണ് മുന്നില്. തോമസ് മാഷ് അക്കാദമി 47 സ്വര്ണ്ണവും 39 വെള്ളിയും 22 വെങ്കലവും നേടി. പാലാ അല്ഫോന്സാ അക്കാദമി 27 സ്വര്ണ്ണവും 30 വെള്ളിയും 26 വെങ്കലവും ചങ്ങനാശേരി അസംപ്ഷന് കോളജ് 18 സ്വര്ണ്ണവും 13 വെള്ളിയും 14 വെങ്കലവും നേടിയിട്ടുണ്ട്.
