ന്യൂദല്ഹി:തമിഴ്നാട്ടിലെ കൂനൂരില് വിമാനാപകടത്തില് മരിച്ച സംയുക്തസേനാ മേധാവി ബിപിന് റാവത്തിനെയും ഭാര്യയെയും മൃതദേഹങ്ങള് വെള്ളിയാഴ്ച സംസ്കരിക്കും.
സംയുക്ത സേന മേധാവി ബിപിന് റാവത്തിന്റെയും ഭാര്യയുടെയും ശവസംസ്കാരം വെള്ളിയാഴ്ച
തമിഴ്നാട്ടിലെ കൂനൂരില് വിമാനാപകടത്തില് മരിച്ച സംയുക്തസേനാ മേധാവി ബിപിന് റാവത്തിനെയും ഭാര്യയെയും ഡിസംബര് 10 വെള്ളിയാഴ്ച സംസ്കരിക്കും.
വ്യാഴാഴ്ച വൈകീട്ടോടെ പ്രത്യേക സൈനിക വിമാനത്തില് രാജ്യതലസ്ഥാനമായ ദല്ഹിയില് ഭൗതികാവശിഷ്ടം എത്തിച്ചേരുമെന്ന് പ്രതീക്ഷിക്കുന്നു. വെള്ളിയാഴ്ച രാവിലെ മൃതദേഹം വീട്ടിലെത്തിച്ച ശേഷം അന്ത്യാഞ്ജലി അര്പ്പിക്കാന് പ്രദര്ശനത്തിന് വെയ്ക്കും. രാവിലെ 11 മണി മുതല് രണ്ട് മണി വരെ അന്ത്യാഞ്ജലി അര്പ്പിക്കാം.
പിന്നീട് കാംരാജ് മാര്ഗ്ഗ് മുതല് ദല്ഹി കന്റോണ്മെന്റിലെ ബ്രാര് സ്ക്വയര് ക്രിമറ്റോറിയം വരെ മൃതദേഹം വഹിച്ചുകൊണ്ടുള്ള വിലാപയാത്ര നടത്തും.
